சுவையான செட்டிநாடு மட்டன் சுக்கா ரெசிபி..!

• அரை கிலோ மட்டன்
• இஞ்சி பூண்டு விழுது
• மஞ்சள் தூள்
• உப்பு
• ஒரு டீஸ்பூன் மிளகாய்த்தூள்

• ஒரு டேபிள் ஸ்பூன் மிளகு
• ஒன்றை டேபிள் ஸ்பூன் சீரகம்
• இரண்டு வரமிளகாய்
• ஒரு டேபிள் ஸ்பூன் கொத்தமல்லி

• எண்ணெய்
• 15 சின்ன வெங்காயம்
• வரமிளகாய்
• கருவேப்பிலை
• ஒரு டீஸ்பூன் கரம் மசாலா

செய்முறை:

• மட்டனை சுத்தம் செய்து நன்றாக கழுவி எடுத்துக் கொள்ள வேண்டும்.
• ஒரு குக்கரை அடுப்பில் வைத்து எண்ணெய் சேர்த்து சூடானதும் அதில் மட்டன், இஞ்சி பூண்டு விழுது, மஞ்சள்தூள், உப்பு, மிளகாய்த்தூள் மற்றும் சிறிது தண்ணீர் சேர்த்து 15 நிமிடங்களுக்கு வேக வைக்க வேண்டும்.
• ஒரு வாணலை அடுப்பில் வைத்து மிளகு, சீரகம், வரமிளகாய், கொத்தமல்லி ஆகியவற்றை சேர்த்து வறுத்து ஆறவைத்து பின் ஒரு மிக்ஸி ஜாரில் சேர்த்து அரைத்துக் கொள்ள வேண்டும்.
• ஒரு வாணலை அடுப்பில் வைத்து எண்ணெய் ஊற்றி சூடானதும் அதில் நறுக்கிய வெங்காயம், கறிவேப்பிலை மற்றும் வரமிளகாய் சேர்த்து வதக்க வேண்டும்.
• பின் வேகவைத்த மட்டன் சேர்த்து கிளறி வதக்க வேண்டும்.
• அடுத்ததாக கரம் மசாலா தூள், அரைத்து வைத்த மசாலாத்தூள், தேவையான அளவு உப்பு சேர்த்து வதக்க வேண்டும்.
• மசாலா பச்சை வாசனை போனதும் அடுப்பை அணைக்கவும்.
• அவ்வளவுதான் சுவையான செட்டிநாடு மட்டன் சுக்கா தயார்.
• சூடான சாதத்தில் சூடான செட்டிநாடு மட்டன் சுக்கா பிசைந்து சாப்பிட்டால் போதும் அவ்ளோ ருசியாக இருக்கும்.