காரசாரமான நண்டு மிளகு வறுவல்..!
ADVERTISEMENT
தமிழ்நாடு, இந்தியா, உலகம், சினிமா, விளையாட்டு, செய்திகளை உடனுக்குடன் தெரிந்துகொள்ள Madhimugam டெலிகிராம் சேனலுடன் எப்போதும் இணைந்திருங்கள்.
நண்டில் அதிகபடியான புரதம் நிறைந்துள்ளது. நண்டில் இருக்கும் பாஸ்பரஸ் சத்து சிறுநீரகங்கள் மற்றும் கல்லீரலின் செயல்பாட்டை அதிகரிக்கிறது.
இந்த முறையில் நண்டு மிளகு மசாலா செய்து பாருங்க ரொம்ப ருசியாக இருக்கும்.
தேவையான பொருட்கள்:
விழுது செய்ய
- இரண்டு டீஸ்பூன் மிளகு
- அரை டீஸ்பூன் சீரகம்
- அரை டீஸ்பூன் சோம்பு
- 10 பல் பூண்டு
- ஒரு துண்டு இஞ்சி
மிளகு மசாலா செய்ய
- நண்டு
- எண்ணெய்
- நான்கு பெரிய வெங்காயம்
- அரைத்து வைத்த விழுது
- இரண்டு டீஸ்பூன் மிளகாய்த்தூள்
- இரண்டு பச்சை மிளகாய்
- மஞ்சள் தூள்
- இரண்டு டீஸ்பூன் மல்லித்தூள்
- கருவேப்பிலை
- ஒரு தக்காளி
- உப்பு
செய்முறை:
- முதலில் நண்டுவை நன்றாக சுத்தம் செய்து எடுத்துக் கொள்ளுங்கள்.
- ஒரு மிக்ஸி ஜாரில் சீரகம், மிளகு, பூண்டு, சோம்பு, இஞ்சி ஆகியவற்றை சேர்த்து சிறிது நீர் கலந்து விழுதாக அரைத்துக் கொள்ள வேண்டும்.
- ஒரு வாணலை அடுப்பில் வைத்து எண்ணெய் ஊற்றி சூடானதும் அதில் நறுக்கிய வெங்காயம் சேர்த்து வதக்க வேண்டும்.
- பின் கறிவேப்பிலை, பச்சை மிளகாய் சேர்த்து வதக்க வேண்டும்.
- அடுத்ததாக அரைத்த விழுதை சேர்த்து வதக்க வேண்டும்.
- பிறகு மஞ்சள்தூள், மல்லித்தூள், மிளகாய்த்தூள், தேவையான அளவு உப்பு சேர்த்து வதக்க வேண்டும்.
- பின் நறுக்கிய தக்காளி சேர்த்து வதக்க வேண்டும்.
- அடுத்ததாக நண்டு சேர்த்து கிளறிவிட்டு சிறிது தண்ணீர் சேர்த்து கலந்து வேகவைக்க வேண்டும்.
- குழம்பு நன்றாக கெட்டியானதும் அதில் கடைசியாக நறுக்கிய கொத்தமல்லி இலை தூவி இறக்க வேண்டும்.
- அவ்வளவுதான் நண்டு மிளகு வறுவல் தயார்.
