நீங்களும் சமையல் ராணி ஆகலாம்..!

நீங்களும் சமையல் ராணி ஆகலாம்..!

1. தோசைக்கு மாவு அரைக்கும்போது ஒரு கப் சாதம் சேர்த்து அரைத்து மறுநாள் தோசை ஊற்றினால் மொறுமொறுவென பேப்பர் ரோஸ்ட் வரும்.
2. குத்துவிளக்கு வாங்கும்போது மற்ற பாகங்கலை விட அதன் அடிப்பகுதி அகலமானதாக இருக்கும்படி பார்த்து வாங்க வேண்டும், அப்போதுதான் எண்ணெய் சிந்தினாலும் தரையில் விழாது.
3. எந்தவகை சுண்டல் செய்யும்போது அதில் கேரட், பீட்ரூட் துருவி சேர்த்து கலந்தால் அருமையாக இருக்கும்.
4. ரவை இட்லி மீந்து போய்விட்டால் அதை சிறு சிறு துண்டுகளாக நறுக்கி பஜ்ஜி மாவில் முக்கி எடுத்து எண்ணெயில் பொரித்து எடுக்கலாம்.
5. ரவை வறுக்கும்போது ஒரு சிட்டிகை உப்பு சேர்த்து வறுத்து வைத்தால் நீண்ட நாட்களுக்கு கெடாமல் இருக்கும்.
6. நாட்டு சர்க்கரை ஒரு பாட்டலில் கொட்டி அதில் ஒரு பிரட் துண்டு போட்டு வைத்தால் உலர்ந்து விடும்.
7. பூண்டை உரித்து நசுக்கி பின் எள்ளடை மாவில் கலந்து எள்ளடை சுட்டால் நல்லா வாசனையாக இருக்கும்.
8. அரிசி உப்புமாவிற்கு அரிசியை ரவை போல உடைக்கும்போது அதனுடன் மிளகாய் சேர்த்து உடைத்தால் நல்லா ருசியாக இருக்கும். மிளகாயும் வீணாகாது.
9. கேரட் சூப்பில் வறுத்த சிறிது சேமியா கலந்து செய்தால் சூப் திக்காவும் சுவையாகவும் இருக்கும்.
10. தயிர் பச்சடியில் முட்டைக்கோஸ், இஞ்சி,பச்சை மிளகாய் சேர்த்து வதக்கி தயிரில் சேர்த்து உப்பு கலந்தால் தயிர் பச்சடி அருமையாக இருக்கும்.
11. உளுந்து போண்டா செய்யும்போது அதில் வேகவைத்த உருளைக்கிழங்கை சேர்த்து கலந்து போண்டா சுட்டால் நல்லா சாஃப்டாக இருக்கும்.

shanthi