ADVERTISEMENT
பன்னீர் இப்படி செய்து சாப்பிட்டு பாருங்க…!!! நல்ல காரசாரமான வறுவல்..!!!
பன்னீர்க்கு என்றே பல பிரியர்கள் இருக்கிறார்கள். நீங்கள் பன்னீரை எப்படி செய்து சாப்பிட்டாலும் அது ரொம்ப ருசியாக இருக்கும்.
இதில் புரதச்சத்து மற்றும் கால்சியம் மிகுந்தே காணப்படுகிறது.
குழந்தைகள் பன்னீர் விரும்பி சாப்பிடுவார்கள் அதிலும் இப்படி மிளகு சேர்த்து வறுவல் செய்து கொடுத்தால் குழந்தைகளுக்கு ரொம்ப பிடிக்கும்.
மிளகு பன்னீர் வறுவல் எப்படி செய்யலாம் என்று பார்போம்.
தேவையான பொருட்கள் :
-
பன்னீர் – 250 கிராம்
-
பெரிய வெங்காயம் – 3
-
பச்சை மிளகாய் – 2
-
இஞ்சி பூண்டு பேஸ்ட் – 1 டேபிள் ஸ்பூன்
-
எண்ணெய் – தேவையான அளவு
-
மிளகுத்தூள் – காரத்திற்கு ஏற்றவாறு
-
சீரகத்தூள் – 1/4 டீஸ்பூன்
-
கரம் மசாலா தூள் – 1/4 டீஸ்பூன்
-
சோயா சாஸ் – 1 டீஸ்பூன்
-
தக்காளி சாஸ் – 2 டீஸ்பூன்
-
கறிவேப்பிலை – சிறிதளவு
-
கொத்தமல்லித்தழை – சிறிதளவு
-
உப்பு – சுவைக்கேற்ப சேர்க்கவும்.
செய்முறை :
ஒரு பாத்திரத்தில் கொஞ்சம் தண்ணீர் ஊற்றி வெதுவெதுப்பாக சூடுபடுத்திக் கொள்ளவும்.
பிறகு பன்னீரை சிறுசிறு துண்டுகளாக நறுக்கி வெதுவெதுபான நீரில் போட்டு ஒரு 10 நிமிடம் வைக்கவும்.
பின்னர் ஒரு வாணலை அடுப்பில் வைத்து சூடேறியதும் எண்ணெய் ஊற்றி வெங்காயத்தை நீளவாக்கில் நறுக்கி சேர்த்துக் கொள்ளவும், வெங்காயம் வதங்கியதும் பச்சை மிளகாய் சேர்த்து வதக்கவும்.
இரண்டும் நல்லா வதங்கியதும் இஞ்சி பூண்டு விழுது சேர்த்து எண்ணெய் பிரிந்து வரும்வரை வதக்கவும்.
இஞ்சி பூண்டின் பச்சை வாசனை போனதும் சீரகத்தூள் மற்றும் கரம் மசாலா தூள் தேவைக்கேற்ப சேர்த்து எண்ணெய் பிரிந்து வரும்வரை வதக்கிக் கொள்ள வேண்டும்.
பிறகு அதனுடன் சிறிது தக்காளி மற்றும் சோயா சாஸ் சேர்க்கவும். அதில் தேவையான அளவு உப்பு மற்றும் சிறிது தண்ணீர் ஊற்றி கொதிக்க வைக்கவும்.
இது நன்றாக கொதித்து சுண்டியதும் பன்னீர் துண்டுகளை சேர்த்து ஒரு 5 நிமிடம் மட்டும் வேக வைக்கவும்.
பின் இதில் உள்ள தண்ணீர் சுண்டியதும் இறக்கும் சமையத்தில் மிளகு தூவி, கொத்தமல்லி மற்றும் கறிவேப்பிலை சேர்த்து இறக்கவும்.
தமிழ்நாடு, இந்தியா, உலகம், சினிமா, விளையாட்டு, செய்திகளை உடனுக்குடன் தெரிந்துகொள்ள Madhimugam டெலிகிராம் சேனலுடன் எப்போதும் இணைந்திருங்கள்.