கொள்கையை விட்டு கொடுத்தால் தான் ஒன்றிய அரசு நிதி கொடுக்குமா..? அமைச்சர் அன்பில் மகேஷ் நச் கேள்வி..!!
நிலுவையில் உள்ள தமிழ்நாட்டுக்கான நிதியை விடுவிக்க வேண்டும் என பள்ளிக்கல்வித்துறை அமைச்சர் அன்பில் மகேஷ் பொய்யாமொழி தெரிவித்துள்ளார்..
ஒன்றிய அரசானது தேசியக் கல்விக் கொள்கையை ஏற்க மறுப்பதுடன் தமிழகத்திற்கு நிதி தர மறுப்பதாக தமிழ்நாடு முதலமைச்சர் மு.க.ஸ்டாலின் கடும் கண்டனம் தெரிவித்துள்ளார். ஒன்றிய அரசானது தமிழ்நாடு அரசின் பல்வேறு நலத்திட்டங்களை முடக்கும் விதமாக செயல்பட்டு வருகிறது. கடந்த மக்களவை தேர்தலில் பாஜக வெற்றிபெற்ற இடங்களில் மட்டும் பாஜக செயல்பட்டு வருகிறது.,
அனைத்து மாநிலங்களையும் சமமாக நடத்த வேண்டிய ஒன்றிய அரசு, தமிழ்நாட்டை மட்டும் வஞ்சிக்கும் விதமாக செயல்பட்டு வருகிறது. என முதலமைச்சர் ஸ்டாலின் நேற்று கண்டனம் தெரிவித்திருந்த நிலையில்., அமைச்சர் அன்பில் மகேஷ் தனது கருத்துகளை பதிவிட்டுள்ளார்..
ஒன்றிய கல்வி அமைச்சர் தர்மேந்திர பிரதானின் எக்ஸ் தளப் பதிவை குறிப்பிட்டு தமிழ்நாடு பள்ளிக்கல்வித்துறை அமைச்சர் அன்பில் மகேஸ் பொய்யாமொழி பதில் அளித்துள்ளார். அதில் நிலுவையில் உள்ள தமிழ்நாட்டுக்கான நிதியை விடுவிக்க வேண்டும் என குறிப்பிட்டுள்ளார்.
1930கள் மற்றும் 60களின் வரலாற்று இயக்கங்களில் வேரூன்றிய இருமொழிக் கொள்கையின் மூலம் தமிழ்நாடு தனது மொழியியல் பாரம்பரியத்தைப் பாதுகாப்பதில் எப்போதும் உறுதியாக உள்ளது. தமிழை நமது அடையாளத்தின் தூணாக ஏற்றுக்கொள்கிறோம். அதே வேளையில் வருங்கால சந்ததியினர் ஆங்கிலப் புலமை பெற்றிருப்பதை உறுதிசெய்கிறோம்.
எங்களின் கொள்கையானது எப்பொழுதும் தமிழை அடிப்படையாக கொண்டு உள்ளடக்கிய கற்றலுக்கு முன்னுரிமை அளித்து வருகிறது, அதே நேரத்தில் மாணவர்களுக்கு ஆங்கில அறிவை மேம்படுத்துகிறது.
நமது மாண்புமிகு முதலமைச்சர் ஸ்டாலின் ஆட்சேர்ப்பில் சம நிலை மற்றும் உள்ளூர் மொழி தெரிந்திருப்பதை உறுதி செய்வதற்காக தமிழில் போட்டித் தேர்வுகளை நடத்த வேண்டும் என்று மத்திய அரசிடம் தொடர்ந்து கோரிக்கை விடுத்துள்ளது.
பொறியியல், மருத்துவம் போன்ற தொழில்நுட்பப் பாடங்களைக்கூட மொழிபெயர்த்து, தமிழில் கல்விப் பொருட்களை வெளியிடுவதில் தமிழ்நாடு முன்னணியில் உள்ளது.
தமிழகத்தின் கொள்கைகள் ஏற்கனவே முதலமைச்சரின் காலை உணவுத் திட்டம், #புதுமைப்பெண், #நான்முதல்வன், இல்லம் தேடி கல்வி, தமிழ்ப் புதல்வன் மற்றும் என்னும் எழுத்து போன்ற திட்டங்களின் மூலம் முழுமையான மற்றும் உள்ளடக்கிய கொள்கைகளை பிரதிபலிக்கின்றன.
முடிவில், தமிழ்நாடு ஏற்கனவே தனது சொந்த முயற்சிகள் மூலம் NEP இன் ஏற்றுக்கொள்ளக்கூடிய பல அம்சங்களை செயல்படுத்தி வருகிறது. இருப்பினும், எங்கள் ஆட்சேபனைகள் மூன்று மொழி சூத்திரம் மற்றும் பாடத்திட்ட மாற்றங்கள் போன்ற குறிப்பிட்ட கூறுகளுடன் தொடர்புடையவை. ‘சமக்ரா சிக்ஷா’ நிதியின் வெளியீட்டை NEP இணக்கத்துடன் இணைப்பது கல்வியில் மாநிலத்தின் அரசியலமைப்பு சுயாட்சியை மீறுகிறது.
எனவே, எஸ்எஸ் திட்டத்தின் கீழ் நிலுவையில் உள்ள நிதியை NEP உடன் இணைக்கப்பட்ட நிபந்தனைகள் இல்லாமல் விடுவிக்குமாறு மத்திய அரசை வலியுறுத்துகிறோம்.
எனவே SSA திட்டத்தின் கீழ் நிலுவையில் உள்ள தமிழ்நாட்டுக்கான நிதியை NEP போன்ற எந்த நிபந்தனைகள் இல்லாமல் விடுவிக்க வேண்டும் என ஒன்றிய அரசை வலியுறுத்துவதாக பதிலளித்துள்ளார்…
