தவெக முதல் மாநாடு..! முக்கிய அப்டேட்களை கொடுத்த புஸ்ஸி ஆனந்த்..!!
தமிழக வெற்றிக் கழகத்தின் முதல் மாநாடு நடக்க இன்னும் ஒரு வாரங்களே உள்ள நிலையில் அதில் யாரெல்லாம் பங்கேற்க இருக்கிறார்கள் என்ற அப்டேட்டை புஸ்ஸி ஆனந்த் கொடுத்துள்ளார்..
கடந்த ஆண்டு பிப்ரவரி மாதம் தமிழக வெற்றிக் கழகம் தொடங்கப்பட்டது.. கட்சி தொடங்கி ஒரு ஆண்டுகள் நிறைவடைந்த நிலையில் கடந்த மாதம் கட்சியின் கொடியும், கட்சியின் பூவும் வெளியிடப்பட்டு தற்போது முதல் மாநாடும் நடத்தப்படவுள்ளது..
மேலே கீழே இரண்டு இளம் சிவப்பு நிறமும் நடுவே மஞ்சள் நிறமும் கொண்டுள்ளது.. அதில் மஞ்சள் நிறத்தில் அதில் இரண்டு பக்கம் யானையும் நடுவே வாகை பூவும் கொண்டு வடிவமைக்கப்பட்டுள்ளது.. இந்த கொடியானது கடந்த மாதம் ஆகஸ்ட் 22ம் தேதி சென்னை பனையூரில் உள்ள அவரது இல்லத்தில் ஏற்றப்பட்டது..
ஆனால் கொடி வெளியிடப்பட்ட பின் பல்வேறு எதிர்ப்புகள் கிளம்பியது., அதாவது இக்கட்சியின் கொடியில் இடம்பெற்றுள்ள யானையானது பகுஜன் சமாஜ் கட்சியில் முன்னதாகவே இடம் பெற்றுவிட்டது எனவே அதனை நீக்க வேண்டும் என வலியுறுத்தி பசக சார்பில் கண்டனங்கள் எழுந்தது..
அதன் பின் ஆகஸ்ட் 23ம் தேதி கட்சியின் பாடலும் வெளியானது… “தமிழன் கொடி பறக்குது.. தலைவன் யுகம் பிறக்குது.. மூணெழுத்து மந்திரத்தை மீண்டும் ஒலிக்குது.., அரசரை கேள்வி கேட்கும் தளபதியின் காலமடி.., தூர நின்னு பாக்கும் தலைவன் காலமெல்லாம் மாறுது., தோளில் வந்து கைய போடும் தலைவன் கொடி ஏறுது”
இந்நிலையில் விழுப்புரம் மாவட்டம் விக்கிரவாண்டியில் அடுத்த மாதம் செப்டம்பர் 23ம் தேதி அன்று தமிழக வெற்றிக் கழகத்தின் முதல் மாநில மாநாடு நடத்தப்படும் என அக்கட்சியின் சார்பில் பலரும் தெரிவித்திருந்த நிலையில்., கட்சியின் மாநாட்டிற்காக பொதுச் செயலாளர் புஸ்ஸி ஆனந்த் விக்கிரவாண்டி மாநகர காவல் ஆணையரிடம் அனுமதி கோரியிருந்தார்., ஆனால் அதற்கு விழுப்புரம் காவல்துறை அதிகாரிகள் பல நிபந்தனைகளை முன் வைத்தனர். அந்த நிபந்தனைகளுக்கு தமிழக வெற்றிக் கழகமும் சம்மதம் தெரிவித்திருந்தது..
முதலாவது மாநாடு அக்டோபர் மாதம் 27-ஆம் தேதி நடைபெறவுள்ள நிலையில் மாநாட்டிற்கான பணிகள் தீவிரமாக நடத்தப்பட்டு வருகிறது. அதற்காக , விக்கிரவாண்டியில் 176 ஏக்கர் நிலம் ஒப்பந்தம் செய்யப்பட்டுள்ளது. மேலும் இந்த மாநாட்டில் யாரெல்லாம் பங்கேற்க போகிறார்கள் என்பது குறித்து விரைவில் தலைவர் விஜய் அறிவிப்பார் என பொதுசெயலாளர் புஸ்ஸி ஆனந்த் தெரிவித்துள்ளார்..
சிறுகதைகள் – 75 | தொடர் கதை – 2 | கிரைம்- 572 + | கவிதைகள் – 150 + | எழுத்தாளர் – 4000 + | ஆன்மிகம் தொகுப்பாளர்
நம்மை வீழ்த்தியவர்கள் முன் ஜெயிக்க வேண்டுமே.. தவிர அடுத்தவர்களை வீழ்த்தி ஜெயிக்க கூடாது..
