செட்டிநாடு சிக்கன் வறுவல் ரெசிபி..!
தமிழ்நாடு, இந்தியா, உலகம், சினிமா, விளையாட்டு, செய்திகளை உடனுக்குடன் தெரிந்துகொள்ள Madhimugam டெலிகிராம் சேனலுடன் எப்போதும் இணைந்திருங்கள்.
சிக்கன் ரெசிபி என்றாலே நாக்கில் எச்சில் ஊறவைக்கும் ஒரு உணவுப் பொருளாகும். அதிலும் நான் சொல்லும் இந்த பாரம்பரிய முறையில் சுவையை கூடுதலாக கொடுக்கும் செட்டிநாடு சிக்கன் வறுவல் தயார் செய்யலாம் வாங்க.
தேவையான பொருட்கள்:
ADVERTISEMENT
ஊற வைக்க
- அரை கிலோ சிக்கன்
- ஒரு டேபிள் ஸ்பூன் தயிர்
- இரண்டு டேபிள் ஸ்பூன் இஞ்சி பூண்டு விழுது
- மஞ்சள் தூள்
- உப்பு
- கால் டீஸ்பூன் மிளகாய்த்தூள்
மசாலா அரைக்க
- இரண்டு டேபிள் ஸ்பூன் மல்லி
- ஒன்றை டீஸ்பூன் மிளகு
- ஒரு டீஸ்பூன் சீரகம்
- ஒரு துண்டு பட்டை
- மூன்று ஏலக்காய்
- மூன்று கிராம்பு
- ஆறு வரமிளகாய்
வறுவல் செய்ய
- எண்ணெய்
- இரண்டு பெரிய வெங்காயம்
- கருவேப்பிலை
- இரண்டு பச்சை மிளகாய்
- அரைத்து வைத்த மசாலா
- ஊற வைத்த சிக்கன்
- உப்பு
- கொத்தமல்லி இலை
செய்முறை:
- முதலில் சிக்கனை சுத்தம் செய்து நன்றாக கழுவிக் கொள்ள வேண்டும்.
- ஒரு கிண்ணத்தில் தயிர், மஞ்சள்தூள், மிளகாய்த்தூள், சிக்கன், இஞ்சி பூண்டு விழுது சேர்த்து நன்றாக கலந்துக் அரை மணி நேரத்திற்கு ஊறவைக்க வேண்டும்.
- ஒரு வாணலை அடுப்பில் வைத்து சீரகம், மல்லி, பட்டை, மிளகு, கிராம்பு, ஏலக்காய், வரமிளகாய் ஆகியவற்றை சேர்த்து மிதமான தீயில் வறுத்து பின் ஆறவைக்க வேண்டும்.
- நன்றாக ஆறியதும் ஒரு மிக்ஸி ஜாரில் சேர்த்து அரைத்துக் கொள்ள வேண்டும்.
- ஒரு வாணலை அடுப்பில் வைத்து எண்ணெய் ஊற்றி சூடானதும் அதில் சிறிதாக நறுக்கிய வெங்காயம், பச்சை மிளகாய், கறிவேப்பிலை ஆகியவற்றை சேர்த்து வதக்க வேண்டும்.
- பின் ஊறவைத்த சிக்கனை சேர்த்து நன்றாக வதக்க வேண்டும்.
- பின் அரைத்த மசாலாவை சேர்த்து வாணலை மூடி வேகவைக்கவும்.
- கடைசியாக நறுக்கிய கொத்தமல்லி இலை தூவி கிளறிவிட்டு இறக்க வேண்டும்.
- அவ்வளவுதான் சுவையான செட்டிநாடு சிக்கன் வறுவல் தயார்.
