திமுகவை குறை சொல்ல பிரதமர் மோடிக்கு எந்தத் தகுதியும் இல்லை.. மு.க.ஸ்டாலின் பதிலடி…
திமுகவை குறை சொல்ல பிரதமர் மோடிக்கு எந்தத் தகுதியும் இல்லை என முதலமைச்சர் மு.க.ஸ்டாலின் காட்டமான பதிலடி கொடுத்துள்ளார்.
ADVERTISEMENT
திருநெல்வேலியில் நடந்த பொதுக்கூட்டத்தில் பங்கேற்று பேசிய பிரதமர் மோடி, ஒன்றிய அரசின் திட்டங்கள் தமிழ்நாட்டில் மறைக்கப்படுவதாகவும், திமுக என்ற கட்சியே இனி இருக்காது எனவும் விமர்சித்தார்.
இதுதொடர்பாக முதலமைச்சர் ஸ்டாலின் வெளியிட்டுள்ள அறிக்கையில், திமுகவைப் பற்றியும், கழக அரசைப் பற்றியும் பிரதமர் அவதூறுகளை அள்ளி வீசிவுள்ளதாக தெரிவித்தார்.
தமிழ்நாட்டுக்கு அடிக்கடி வரத் தொடங்கி இருக்கும் பிரதமர் மோடிக்கு தோல்வி பயம் வந்துவிட்டதாகவும், திமுகவை அழிப்பேன் என்று கிளம்பியவர்கள் என்ன ஆனார்கள் என்பதுதான் தமிழ்நாட்டு அரசியல் வரலாறு எனவும் எச்சரித்தார்.
தமிழ்நாடு, இந்தியா, உலகம், சினிமா, விளையாட்டு, செய்திகளை உடனுக்குடன் தெரிந்துகொள்ள Madhimugam டெலிகிராம் சேனலுடன் எப்போதும் இணைந்திருங்கள்.
பிரதமர் கொண்டு வந்த எந்தத் திட்டங்களுக்கு திமுக தடையாக இருந்ததாக சொல்லும் பிரதமர், அதற்கான பட்டியல் வெளியிட்டால் பதில் சொல்ல வசதியாக இருக்கும் எனவும் தெரிவித்தார்.
ஒரு மாநில அரசுக்குத் தர வேண்டிய நிதியையும் தராமல், கடன் வாங்க நினைத்தால் அதையும் தடுத்து, வெள்ள நிவாரணத்துக்குக் கூட பணம் தராமல் இரக்கமற்று ஒரு அரசாட்சியை நடத்தி வரும் மோடிக்கு திமுகவைக் குறை சொல்ல எந்தத் தகுதியும் இல்லை என்று குறிப்பிட்டுள்ளார்.
![](https://www.madhimugam.com/wp-content/uploads/2024/07/002-10-x-15-a.jpg)