இந்த தீபாவளிக்கு 10 நிமிடத்தில் செய்து அசத்துங்க…
நம்முடைய சின்ன வயதில் பக்கத்து பெட்டி கடையில விற்க்கக்கூடிய ஸ்வீட் தான் இது. பொட்டுக்கடலை கேக் ரெசிபி. ஒரு 10 நிமிடத்தில் இன்ஸ்டண்ட்டாக செய்து முடித்துவிடலாம்.
டேஸ்டியான இந்த ரெசிபியை எப்படி செய்யலாம் என்று பார்க்கலாம்.
பொட்டுக்கடலை- ஒரு கப்
சர்க்கரை- ஒரு கப்
ஏலக்காய் பொடி- ஒரு ஸ்பூன்
நெய் – 1/4 கப்
முந்திரி- அலங்கரிக்க மட்டும்
மிக்சி ஜாரில் பொட்டுக்கடலையையும் சர்க்கரையையும் ஏலக்காயையும் போட்டு நன்றாக அரைத்துக் கொள்ளவேண்டும்.
அரைத்த இந்த மாவை இரண்டு மூன்று முறை நன்றாக சலித்துக் கொள்ள வேண்டும்.
மாவு நறநறவென இருந்தால் ஸ்வீட் ரெசிபி நறநறப்பாக வந்துவிடும்.
பொட்டுக்கடலை எந்த அளவில் அளக்கிறீர்களோ அதே அளவில் சர்க்கரையையும் அளந்து எடுத்துக் கொள்ள வேண்டும்.
தேவைப்பட்டால் இதில் பால் பவுடர் கலந்துக் கொள்ளலாம். சுவை கூடுதலாக இருக்கும்.
சலித்த இந்த பொடியை ஒரு அகலமான பாத்திரத்தில் போட்டு 1/4 கப் அளவு நெய் சேர்த்து நன்றாக பிசைந்து கொள்ள வேண்டும்.
ஐந்தில் இருந்து ஏழு நிமிடங்கள் அழுத்தம் கொடுத்து பிசைந்தால் போதும்.
மாவை நன்றாக ஒட்டி பிடித்தால் பால்கோவா, குலோப் ஜாமுன் மாவு போல நமக்கு கிடைக்கும்.
அந்த மாவை சிறிய சிறிய உருண்டைகளாக பிடித்து கையில் கேக் போல தட்டி , அதில் இந்த பொட்டுக்கடலை மாவை வைத்து பேடா ஷேப்பில் மாற்றியும் செய்யலாம்.
அதன் நடுவே காய்ந்த பழங்களை வைத்தும் அலங்கரிக்கலாம்.
சிறிய சிறிய அளவு மூடியில் இந்த மாவை வட்ட வடிவத்தில் செய்து, கத்தியை வைத்து நான்கு கோடு போட்டு குழந்தைகளுக்கு தந்தால் விரும்பி சாப்பிடுவார்கள்.
