ஆம்ஸ்ட்ராங் கொலை வழக்கில் கைதான முக்கிய குற்றவாலி..!! விசாரணையில் வெளிவந்த பல தகவல்கள்..!! 

ஆம்ஸ்ட்ராங் கொலை வழக்கில் கைதான முக்கிய குற்றவாலி..!! விசாரணையில் வெளிவந்த பல தகவல்கள்..!! 

பகுஜன் சமாஜ் கட்சியின் மாநில தலைவர் “ஆம்ஸ்ட்ராங்” கடந்த மாதம் ஜூலை 5ம் தேதி சென்னை பெரம்பூரில் படுகொலை செய்யப்பட்டார். அந்த சம்பவம் தொடர்பாக ரவுடி ஆற்காடு சுரேஷ் மற்றும் அவரது சகோதரர் பென்னை பாலு உட்பட 24 பேர் இதுவரை கைது செய்யப்பட்டனர்.. அதில் 8 பேரை போலீஸ் கஸ்டடியில் எடுத்து விசாரணை செய்ய நீதிமன்றம் உத்தரவிட்டது..

24 பேரில் திருவேங்கடம் என்பவர் போலீசார் விசாரணையின் போது போலீசாரை தாக்க முயன்றதால் என்கவுன்டரில் சுடப்பட்டார். கைது செய்யப்பட்டவர்களில் பலரும் நீதிமன்ற காவலில் வைக்கப்பட்டுள்ளனர், சிலர் விசாரணையின் போது போலீஸ் கஸ்டடியில் எடுத்து விசாரிக்கப்பட்டு வருகின்றனர்.

ஆற்காடு சுரேஷின் தம்பி பொன்னை பாலு, திமுக வழக்கறிஞர் பிரிவை சேர்ந்த அருள், திருவேங்கடம், திருமலை, பாஜக நிர்வாகி செல்வராஜ், மணிவண்ணன், சந்தோஷ், ராமு, கோகுல், சிவசக்தி, தமிழ் மாநில காங்கிரஸ் இளைஞர் அணி துணைத் தலைவர் ஹரிகரன், அதிமுக திருவல்லிக்கேணி மேற்கு துணைச் செயலாளர் மலர்கொடி, திமுக நிர்வாகி மகன் சதீஷ், வடசென்னை பாஜக நிர்வாகி அஞ்சலை, அதிமுக கவுன்சிலர் ஹரிஹரன், வழக்கறிஞர் சிவா, பிரதீப், முகிலன், நூர் விஜய், ரவுடி நாகேந்திரன், காங்கிரஸ் முன்னாள் நிர்வாகி அஸ்வத்தமான், ஆற்காடு சுரேஷின் மனைவி பொற்கொடி என 24 பேர் இதுவரை கைது செய்யப்பட்டுள்ளனர்.

அந்த கொலை வழக்கில் தொடர்புடைய பிரபல ரவுடி சம்போ செந்தில் மற்றும் சீசிங்ராஜா ஆகியோருடன் தொடர்பில் இருந்த சிவா, வழக்கறிஞர் மொட்டை கிருஷ்ணன் ஆகியோரை போலீசார் தேடி வந்த நிலையில்., அவரது போனில் இருந்து இயக்குனர் நெல்சன் மனைவிக்கு பலமுறை கால் செய்யபட்டிருப்பதும் 75 லட்சம் ரூபாய் பணம் பரிவர்த்தனை செய்யப்பட்டிருப்பதும் விசாரணையில் தெரியவந்தது..

அதன் பின் வெடிகுண்டு  கொடுத்த வழக்கில் ராஜேஷ், கோபி, குமரன் ஆகிய மூன்று பேர் கைது செய்யப்பட்டுள்ளனர்., இந்த கொலை வழக்கில் இவர்களுக்கும் சம்மந்தம் இருப்பது விசாரணையில் கண்டறியப்பட்டது.

இந்நிலையில் மேலும் ஒருவர் கைது செய்யப்பட்டுள்ளார். ஆம்ஸ்ட்ராங் கொலை வழக்கில் தேடப்பட்டு வந்த திருவேங்கடம் என்பவரை சென்னை விமான நிலையத்தில் போலீசார் கைது செய்தனர். துபாயில் இருந்து அதிகாலையில் விமானத்தில் சென்னை வந்த திருவேங்கடத்தை தனிப்படை போலீசார் கைது செய்துள்ளனர். இந்த கொலை வழக்கில் ரவுடி சம்பவ செந்தில் மற்றும் அவரது கூட்டாளிகளை போலீசார் தேடி வருகின்றனர்.

ரவுடி சம்பவ செந்தில் பல ஆண்டுகளாக தலைமறைவாக உள்ளார். ஆம்ஸ்ட்ராங் கொலை வழக்கில் தலைமறைவாக உள்ள ரவுடி சம்பவ செந்திலுக்கு எதிராக லுக் அவுட் நோட்டிஸ் மற்றும் ரெட் கார்னர் நோட்டீஸ் வழங்கப்பட்டு போலீசார் தீவிரமாக அவரை தேடி வருகின்றனர்.  இதேபோல் வழக்கறிஞர் மொட்டை கிருஷ்ணாவுக்கு எதிராக லுக் அவுட் நோட்டீஸ் கொடுக்கப்பட்டு அவரையும் போலீசார் தீவிரமாக தேடி வருகின்றனர்.