தமிழக அரசு சினிமா துறைக்கு எந்த வித தடையும் போட்டு திரை உலகத்துடன் எதிர்ப்பை பெற்றுக்கொள்பவர்கள் இல்லை – அமைச்சர் ரகுபதி
தமிழக அரசின் சட்ட கல்லூரிகளில் முதுநிலை சட்டப்படிப்பில் சேர்வதற்கான தரவரிசைப் பட்டியலில் இடம் பெற்ற முதல் 10 மாணவ, மாணவியர்களுக்கு ஒதுக்கீடு ஆணைகளை வழங்கிய பின் சட்டத்துறை அமைச்சர் ரகுபதி தலைமைச் செயலகத்தில் செய்தியாளர்களை சந்தித்தார். அப்போது பேசியவர்,
அரசு சட்டக் கல்லூரியில் மொத்தமாக எம்எல் படிப்பிற்காக 1607 விண்ணப்பங்கள் பெறப்பட்டன அது எல்லாம் பரிசீலனை செய்யப்பட்டு 11 அரசு சட்டக் கல்லூரிகளில் உள்ள 21 முதுநிலை பாடப்பிரிவுகளுக்கு 420 இடங்கள் தேர்வு செய்யப்பட்டுள்ளது. அதில் முதல் 10 நபர்களுக்கு இன்று தேர்ச்சிக்கான சான்றிதழ் வழங்கப்பட்டது. அரசு சட்டக் கல்லூரிகள் மற்றும் தனியார் சட்டக் கல்லூரிகளில் மாணவர்கள் எண்ணிக்கை அதிகரிப்பதற்கான அவசியம் ஏற்பட்டால் அதை செய்து தரப்படும் என்றார்.
நீண்டகால சிறைவாசிகளுக்கு 49 பேருக்கு விடுதலை செய்ய ஆளுநருக்கு அனுப்பியுள்ள கோப்புகள் அனைத்தும் தற்போது வரையிலும் நிலுவையில் உள்ளது. நீண்ட கால சிறைவாசிகள் விடுதலை ஆளுநர் ஒப்புதல் அளிக்க மாட்டார் என்ற அண்ணாமலை கருத்துக்கு பதில் அளித்த அமைச்சர் ஆளுநரும் அண்ணாமலையும் ஒன்றுதான் என அண்ணாமலையே ஒத்துக்கொண்டார்… ஆளுநர் தான் அண்ணாமலை அண்ணாமலை தான் ஆளுநர்.
லியோ பட சிறப்பு காட்சி தொடர்பான கேள்விக்கு பதில் அளித்த அமைச்சர், சிறப்பு காட்சிகளுக்கு தமிழக அரசு எந்த தடையும் விதிக்கப்படவில்லை, லியோ படத்திற்கு காலை 4 மணிக்கு சிறப்பு காட்சி கேட்டார்கள் 9 மணிக்கு கொடுத்து இருக்கிறோம் இன்று நீதிமன்றம் சென்றிருக்கிறார்கள் நீதிமன்றம் 4 மணிக்கு சிறப்பு காட்சி அனுமதித்தால் அந்த உத்தரவுக்கு நாங்கள் செயல்படுவோம் என்றார். தீபாவளி போன்ற பண்டிகை நாட்களில் தான் 6 காட்சி சிறப்பு காட்சி கொடுக்கப்படும் லியோ படத்திற்கு காலை 9 மணி காட்சி ரசிகர்கள் தான் வருவார்கள் எனவும், 8.45 மணிக்கு குடும்பத்துடன் வந்து பார்ப்பவர்கள் யாரும் பார்க்கப் போவதில்லை என கூறினார்.
தமிழக அரசு சினிமாவிற்கு எந்த வித தடையும் போட்டு திரை உலகத்துடன் எதிர்ப்பை பெற்றுக்கொள்பவர்கள் இல்லை.. திரை உலகம் எங்களுடைய நட்பு உலகம். திரை உலக்த்தோடு எப்போதும் நெருங்கிய நட்பாக இருப்போம், வெருப்பை சம்பாதிக்க மாட்டோம் தளபதியும் அதை விரும்ப மாட்டார். அதிமுக ஆட்சியில் திரைதுறையை என்ன பாடுபடுத்தினார்கள் என தெரியும், திரைதுறையை முடக்க இந்த அரசு எதுவும் செய்ய வில்லை, அவர்களை உற்சாகப்படுத்தி ஊக்கம் படுத்துகிறோம். மலிந்த தயாரிப்பாளர்கள் படங்களை கூட வெளியிடுகிறோம், திரை உலகம் செழிப்பாக இருக்க திமுக அரசு தான் காரணம் என தெரிவித்தார்.
ஆன்லைன் ரம்மி அமைக்கப்பட்டிருக்கக்கூடிய குழு அதன் பணிகளை செய்து வருகிறது உச்சநீதிமன்றத்திற்கு வழக்கு உள்ளதாக கூறியவர், ஆன்லைன் ரம்மிக்கும் ரம்மிக்கும் இரண்டு வேறுபாடுகள் உள்ளது. ரம்மி என்பது இரண்டு பேர் நேருக்கு நேர் விளையாடுகிற விளையாட்டு மூன்றாவது ஆளுக்கு இடம் கிடையாது ஆனால் ஆன்லைன் ரம்மி என்பது ஒரு ப்ரோக்ராம் செட் செய்யும் விளையாட்டு எனவே அதில் மூன்றாவது நபர் விளையாடுவதற்கு வாய்ப்புள்ளது.
ஆசை வார்த்தைகளை உருவாக்குவதைப் போல் பணத்தை பிடுங்கி விடுவார்கள் அதை நாங்கள் பலமுறை எடுத்து சொல்லியும் ஏற்றுக் கொள்ள மறுக்கிறார்கள் என்பது வினோதமாகும் ஆச்சரியமாகும் உள்ளது.. ஆன்லைன் ரம்மி என்பது நேரடியாக விளையாடும் திறமை விளையாட்டு அல்ல மூன்றாவது நபரால் தேர்ந்தெடுக்கப்படும் ஒரு விளையாட்டு அந்த ப்ரோக்ராம் செட் செய்பவர்கள் வெளிமாநிலத்தில் இருப்பவர்கள் என்றால் அவர்களை கட்டுப்படுத்த முடியாத சூழ்நிலை இருக்கிறது அதற்கான தான் சட்டம் கொண்டுவரப்பட்டுள்ளது என தெரிவித்தார்.
