அமெரிக்க அதிபர் தேர்தலில் ஜோ பைடன் விலகல்..! கமலா ஹாரீஸ்க்கு ஆதரவு..! பைடன் கொடுத்த விளக்கம்..!

அமெரிக்க அதிபர் தேர்தலில் ஜோ பைடன் விலகல்..! கமலா ஹாரீஸ்க்கு ஆதரவு..! பைடன் கொடுத்த விளக்கம்..!

அமெரிக்கா அதிபர் தேர்தல் இந்த ஆண்டு நவம்பர் மாதம் நடைபெற உள்ள நிலையில் குடியரசு கட்சி சார்பில் வேட்பாளராக முன்னாள் அதிபர் டொனால்ட் டிரம்ப், துணை அதிபர் வேட்பாளராக  ஜேடி வென்சையம் போட்டியிடுகின்றனர்.

மறுபுறம் ஜனநாயக  கட்சியில்  அடுத்த  அதிபர்  வேட்பாளர்  யார்  என்கிற  கேள்வி  தொடர்ந்து   நீடித்து வந்தது. மீண்டும் அதிபர் ரேசில் ஈடுபடப் போவதாக அதிபர் ஜோ பைடன் கூறி வந்தார். அதேநேரம் அண்மைக் காலமாக அவரது செயல்பாடுகள் மீது ஜனநாயக கட்சியினரே அதிருப்தியில் இருந்தனர்.

இந்நிலையில் கடந்த சில நாட்களுக்கு முன் நடைபெற்ற டிரம்புடனான விவாதத்தில், பைடன் தடுமாறியதை மேற்கொள் காட்டி, ஜனநாயக கட்சியினர் அதிபர் வேட்பாளர் தேர்வில் இருந்து அவர் விலக வேண்டும் என கோரிக்கை விடுத்தனர். கடந்த சில நாட்களுக்கு முன் உக்ரைன் அதிபர் அமெரிக்கா வந்த போது நாடாளுமன்றத்தில் அவரை ரஷ்ய அதிபர் புதின் எனக் கூறி பைடன் அறிமுகப்படுத்தினார்.

அதனை சந்தித்து செய்தியாளர்கள் சந்தித்து பேசிய பைடன்., அடுத்த அமெரிக்க துணை அதிபர் டிரம்ப் என கூறிய வீடியோ சமூக வலைதளங்களில் வைரலாக பரவியது. அதனால் பைடன்., அதிபர் தேர்தல் போட்டியில் இருந்து விலக வேண்டும் என பல விமர்சனஙகள் எழுந்தது. இதற்கிடையே முன்னாள் அதிபர் பராக் ஒபாமாவும், அதிபர் தேர்தலில் பைடன் போட்டியிடுவது குறித்து பரிசீலனை செய்ய வேண்டும் என கோரி இருந்தார்.

இதையடுத்து சில நாட்களாக பைடன் தன்னை தனிமைப்படுத்திக் கொண்டார். இந்நிலையில், அமெரிக்க அதிபர் தேர்தலில் தான் போட்டியிடப் போவதில்லை என்றும் அந்த பதவிக்கு “கமலா ஹாரீஸ்” தகுதியானவர், அவருக்கு ஆதரவளிக்கப்பபோவதாகவும் பைடன் தெரிவித்து உள்ளார். அது தொடர்பாக அவர் தனது எக்ஸ் வலைத்தளம் பக்கத்தில், எஞ்சியிருக்கும் எனது பதவிக் காலம் முழுவதும் அதிபராக தனது கடமைகளில் முழு ஆற்றலையும் செலுத்த முடிவு செய்துள்ளதாக பதிவிட்டுள்ளார்.

மேலும், 2020ம் ஆண்டு துணை அதிபர் வேட்பாளார் தேர்வில் “கமலா ஹாரீஸ்” அது தான் எடுத்த சிறந்த முடிவு. என்றும் இந்த ஆண்டும் ஜனநாயக கட்சியின் வேட்பாளராக கமலா ஹாரீஸ் தொடர தனது முழு ஆதரவையும் ஒப்புதலையும் வழங்க விரும்புகிறேன் என்றும் பதிவிட்டுள்ளார். மேலும் ஜனநாயக கட்சியின் தொண்டர்கள் ஒன்று கூடி டிரம்பை தோற்கடிக்க வேண்டிய நேரம் இது, அதை அனைவரும் செய்வோம் என தெரிவித்துள்ளார்.

– லோகேஸ்வரி.வெ