சென்னையில் கொட்டி தீர்க்கும் கனமழை..! பரிதவிக்கும் மக்கள்..! போக்குவரத்து மாற்றம் செய்யப்பட்ட பகுதிகள்..!
சென்னை, திருவள்ளூர், ராணிப்பேட்டை, வேலூர், காஞ்சிபுரம், திருவண்ணாமலை, செங்கல்பட்டு, கள்ளக்குறிச்சி, சேலம், நாமக்கல், விழுப்புரம், கடலூர், மயிலாடுதுறை, நாகை, திருவாரூர், தஞ்சை, குமரி, நெல்லை, தென்காசி, தேனி, திண்டுக்கல், விருதுநகர், மதுரை, திருப்பூர், கோவை, நீலகிரி, புதுச்சேரி, மற்றும் காரைக்கால் உள்ளிட்ட மாவட்டங்களில் ஏப்ரல் 6ம் தேதி முதல் ஏப்ரல் 12ம் தேதி வரை மிதமான மழை முதல் கனமழை பெய்யக்கூடும் என இந்திய வானிலை ஆய்வு மையம் நேற்று அறிவித்திருந்தது..
பரிதவிக்கும் வடசென்னை மக்கள் :
அதன் படி நேற்று மாலை 6 மணி முதல் சென்னையின் பல்வேறு பகுதிகளில் கனமழை வெளுத்து வாங்கி வருகிறது.. குறிப்பாக சென்னையின் வடக்கு பகுதிகளான கொருக்குப்பேட்டை., தண்டையார்பேட்டை, வியாசர்பாடி, திருவொற்றியூர், காசிமேடு மற்றும் மணலி பகுதிகளில் பெய்த தொடர் கனமழையால் சாலைகளில் தண்ணீர் தேங்கியுள்ளது.
இதனால் அதிகாலை முதல் இருசக்கர வாகனம், மற்றும் ஆட்டோ உள்ளிட்ட வாகனங்கள் அவ்வழியே செல்ல முடியாததால் மக்கள் கடும் சிரமத்திற்கு ஆளாகியுள்ளனர். மேலும் மணலி டூ பிராட்வே வரை செல்லும் 44C பேருந்து. திருவொற்றியூர் டூ ரெட்ஹில்ஸ் வரை செல்லும் 157 பேருந்து மற்றும் IOC டூ IOC வரை உள்ளூர் பகுதிகளில் சுற்றும் C1 பேருந்துகள் சுமார் 1 மணி நேரத்திற்கும் மேல் இயங்காததால் அப்பகுதி மக்கள் கடும் சிரமத்திற்கு ஆளாகியுள்ளனர்.
இதனால் அதிகாலையில் வேலைக்கு செல்லும் மக்கள் 3.5கிமீ வரை நடந்து சென்று பேருந்து பயணம் செய்யும் நிலை ஏற்பட்டுள்ளது..
தென்மேற்கு பருவமழை தீவிரமடைந்து இருப்பதால் சென்னை, திருவள்ளூர், கன்னியாகுமரி, தேனி, கோவை, நீலகிரி, கடலூர் ஆகிய மாவட்டங்களுக்கு ஆரஞ்சு அலார்ட் விடப்பட்டுள்ளது.
