வீட்டில் காளான் இருந்தால் போதும் டக்குனு இந்த காளான் 65 செய்யலாம்..!
ADVERTISEMENT
தமிழ்நாடு, இந்தியா, உலகம், சினிமா, விளையாட்டு, செய்திகளை உடனுக்குடன் தெரிந்துகொள்ள Madhimugam டெலிகிராம் சேனலுடன் எப்போதும் இணைந்திருங்கள்.
குழந்தைகளுக்கு ஈவினிங்கில் என்ன ஸ்நாக்ஸ் செய்யலாம்னு யோசனையாக இருக்கா கவலை வேண்டாம் காளான் மட்டும் போதும் நான் சொல்ற மாதிரி செய்ங்க ரொம்ப ருசியாக இருக்கும்.
தேவையான பொருட்கள்:
கலக்க
- இரண்டு டேபிள் ஸ்பூன் கடலை மாவு
- ஒன்றரை டேபிள் ஸ்பூன் சோள மாவு
- ஒரு டேபிள் ஸ்பூன் அரிசி மாவு
- இரண்டு டீஸ்பூன் மிளகாய்த்தூள்
- ஒரு டீஸ்பூன் மல்லித்தூள்
- அரை டீஸ்பூன் மிளகுத்தூள்
- ஒரு டீஸ்பூன் கரம் மசாலா
- உப்பு
- ஒரு டீஸ்பூன் இஞ்சி பூண்டு விழுது
- 200 கிராம் காளான்
பொரிக்க
- எண்ணெய்
- ஊற வைத்த காளான்
- இரண்டு பச்சை மிளகாய்
- எலுமிச்சை சாறு
செய்முறை:
- ஒரு பாத்திரத்தில் அரிசி மாவு, கடலை மாவு, சோள மாவு, மஞ்சள்தூள், மல்லித்தூள், மிளகாய்த்தூள், கரம் மசாலா, சிறிது உப்பு, இஞ்சி பூண்டு விழுது ஆகியவற்றை சேர்த்து சிறிது தண்ணீர் சேர்த்து கெட்டியாக கலந்துக் கொள்ள வேண்டும்.
- காளானை நன்றாக சுத்தம் செய்து பின் காளானை இரண்டாக நறுக்கி தயாரித்த மாவில் கலந்து பிரட்டி விட்டு அரை மணி நேரத்திற்கு ஊற வைக்க வேண்டும்.
- அரை மணி நேரம் கழித்து ஒரு வாணலை அடுப்பில் வைத்து எண்ணெய் ஊற்றி சூடானதும் அதில் காளானை சேர்த்து பொன்னிறமாக பொரித்து எடுக்க வேண்டும்.
- அதே சூடான எண்ணெயில் பச்சை மிளகாயை சேர்த்து பொரித்து அதனை காளான் 65 மேலே போடவும்.
- அவ்வளவுதான் காளான் 65 தயார்.இதனை பச்சை மிளகாயுடன் சேர்த்து சாப்பிட சுவை அருமையாக இருக்கும்.
