ஓசூருக்கு வரும் அசத்தல் திட்டங்கள்..!! 1௦௦ கோடி ரூபாய் முதலீடு..!! 16 நாட்களில் ஒப்பந்தம் அளித்த நிறுவனங்கள்..!!
RGBSI நிறுவனத்துடன் 100 கோடி ரூபாய் முதலீட்டில் ஓசூரில் மின்னணு மற்றும் டெலிமாடிக்ஸ் உற்பத்தி நிறுவனத்தை அமைப்பதற்கான புரிந்துணர்வு ஒப்பந்தம் நேற்று கையெழுத்தானது..
தமிழ்நாடு முதலமைச்சர் மு.க.ஸ்டாலின் கடந்த ஆகஸ்ட் 28ம் தேதி தமிழ்நாட்டில் முதலீட்டாளர்களை ஈற்பதற்காக அமெரிக்க அரசு முறை பயணம் சென்றுள்ளார்.. அமெரிக்க சென்ற நாளில் இருந்து ஒவ்வொரு தொழில் நிறுவனங்களுடனான ஒப்பந்தம் கையெழுத்திடப்பட்டு வருகிறது..
தமிழக இளைஞர்கள் வேலைவாய்ப்பு என்ற நிலையை மாற்ற வேண்டும் நோக்கிலும் தமிழகத்தை தொழில் வளர்ச்சியில் முதன்மையான மாநிலமாக மாற்ற வேண்டும் என்ற நோக்கிலும் தொழில் வளர்ச்சியின் தரத்தை உயர்த்த வேண்டும் என்ற நோக்கில் தமிழ்நாடு அரசு பல்வேறு திட்டங்களை செயல்படுத்தி வருகிறது. இதனால் இந்திய அளவில் தமிழ்நாடு பொருளாதாரக் குறியீட்டில் முதன்மை மாநிலமாக இருக்கும்.
இந்த திட்டத்தின் மூலம் இளைஞர்கள் மற்றும் பெண்களுக்கான வேலைவாய்ப்புகளை உருவாக்கி, அவர்களின் வாழ்க்கைத்தரத்தை உயர்த்தி இந்தியாவிலேயே இரண்டாவது பெரிய பொருளாதார மாநிலமாக மாற்றுவதற்கான முயற்சிகளில் ஈடுபட்டு வருகிறது..
2030-ஆம் ஆண்டிற்குள் ஒரு ட்ரில்லியன் அமெரிக்க டாலர் பொருளாதாரமாக உயர்த்திட வேண்டும் என்ற நோக்கில் தமிழ்நாடு முதலமைச்சர் ஸ்டாலின் செயல்பட்டு வருகிறார்..
14 முன்னணி தொழில் நிறுவனங்கள் :
இந்த அமெரிக்க பயணத்தின் மூலம் சான் பிரான்சிஸ்கோ மற்றும் சிகாகோவில், உள்ள உலகின் 14 முன்னணி தொழில் நிறுவனங்களுடன் 4350 கோடி ரூபாய் முதலீட்டிற்கான புரிந்துணர்வு ஒப்பந்தங்கள் கையெழுத்திடப்பட்டுள்ளது. மேலும் உலகளவில் உள்ள பல்வேறு முன்னணி நிறுவனங்களின் CEOக்களை சந்தித்து தமிழ்நாட்டில் புதிய தொழில் முதலீடுகளை மேற்கொள்வதற்கான முயற்சிகள் மேற்கொள்ளப்பட்டு வருகிறது..
முன்னதாக தமிழ்நாட்டில் 900 கோடி ரூபாய் முதலீட்டில் பேபால், நோக்கியா, மற்றும் மைக்ரோசிப் உள்ளிட்ட நிறுவனங்களுடன் ஒப்பந்தம் கையெழுத்திடப்பட்டது.., அதன் பின் 400 கோடி ரூபாய் முதலீட்டில் ஓமியம் (Ohmium) நிறுவனத்துடனும் 200 கோடி ரூபாய் முதலீட்டில் சிகாகோ ஈட்டன் மற்றும் அஷ்யூரன்ட் நிறுவனத்துடனான ஒப்பந்தமும், 2௦௦ கோடி ரூபாய் முதலீட்டில் அஷ்யூரன்ட், ஈட்டன் போன்ற முதன்மை நிறுவனத்துடன் ஒப்பந்தமும் கையெழுதிடப்பட்டுள்ளது..
அதன் பின்னர் 2௦௦௦ கோடி ரூபாய் முதலீட்டில் டிரில்லியன் நிறுவனத்துடன் புரிந்துணர்வு ஒப்பந்தமும், அமெரிக்காவின் சிகாகோவில் 850 கோடி ரூபாய் மதிப்பீட்டிலான புரிந்துணர்வு ஒப்பந்தமும், 500 கோடி ரூபாய் முதலீட்டில் “லிங்கன் எலக்ட்ரிக் நிறுவனதுடன் புரிந்துணர்வு ஒப்பந்தம் கையெழுத்தானது.
மேலும் 100 கோடி விஷய் பிரிஷிஷன் நிறுவனத்துடனும் 250 கோடி ரூபாய் முதலீட்டில் விஸ்டியன் நிறுவனத்துடன் புரிந்துணர்வு ஒப்பந்தம் கையெழுதிடப் பட்டுள்ளது.. இதுவரை 3050 கோடி ரூபாய் வரையிலான ஒப்பந்தங்கள் இதுவரையில் கையெழுத்திடப்பட்டுள்ளது…
அதன் தொடர்ச்சியாக நேற்று சிகாகோவில் உள்ள ஜாபில், ராக்வெல் ஆட்டோமேஷன் மற்றும் ஆட்டோடெஸ்க் நிறுவனங்களுடனான புரிந்துணர்வு ஒப்பந்தம் கையெழுத்திடப்பட்டுள்ளது..
ஜாபில் நிறுவனம் (Jabil Inc.) :
ஆப்பிள், சிஸ்கோ, ஹெச்பி, டெல் போன்ற முன்னணி நிறுவனங்களில் ஒன்றான “ஜாபில் நிறுவனம்” எலக்ட்ரானிக்ஸ் பொருட்களின் உற்பத்தியில் சிறந்து விளங்கும் ஜாபில் நிறுவனத்தை தமிழ்நாட்டின் திருச்சி மாவட்டத்தில் அமைப்பதற்கான புரிந்துணர்வு ஒப்பந்தம் கையெழுத்தானது.. 2000 கோடி ரூபாய் முதலீட்டில் கையெழுத்திடப்பட்டுள்ள இந்த ஒப்பந்தத்தில் 5000 பேருக்கு வேலைவாய்ப்பு கொடுக்கபடும் என அந்நிறுவனம் தெரிவித்துள்ளது..
ராக்வெல் ஆட்டோமேஷன் நிறுவனம் புரிந்துணர்வு ஒப்பந்தம் :
666 கோடி ரூபாய் முதலீட்டில் ராக்வெல் ஆட்டோமேஷன் நிறுவனத்துடன் புரிந்துணர்வு ஒப்பந்தம் கையெழுத்திடப்பட்டுள்ளது.. காஞ்சிபுரம் மாவட்டத்தில் உள்ள மின்னணு உற்பத்தி நிறுவனத்தை விரிவாக்கம் செய்வதற்கான புரிந்துணர்வு ஒப்பந்தமும் போடப்பட்டுள்ளது என்பது குறிப்பிடத்தக்கது..
ஆட்டோடெஸ்க் நிறுவனத்துடன் புரிந்துணர்வு ஒப்பந்தம் :
தமிழ்நாட்டு இளைஞர்களின் திறன்களை அதிகரிப்பதற்காகவும், குறு, சிறு மற்றும் நடுத்தர நிறுவனங்கள் (MSME) மற்றும் ஸ்டார்ட் அப்கள் நிறுவனம் உள்ளிட்ட தொழில்துறை சுற்றுச்சூழல் அமைப்புகளை முன்னெடுத்து செல்வதற்காகவும் இந்த புரிந்துணர்வு ஒப்பந்தங்கள் இதுவரையில் கையெழுத்திடப்பட்டுள்ளது..
Rapid Global Business Solutions, Inc. (RGBSI)
அமெரிக்க மிக்சிகனில் அமைந்துள்ள பிரபல நிறுவனமான ட்ராயில் நிறுவனத்துடன் புரிந்துணர்வு ஒப்பந்தம் கையெழுத்திடப் பட்டுள்ளது.. இந்த நிறுவனத்தில் பொறியியல்., தகவல் தொழில் நுட்பம் உட்பட அனைத்திலும் புகழ்பெற்ற ஒரு நிறுவனமாகும்..
இந்த RGBSI நிறுவனத்துடன் 100 கோடி ரூபாய் முதலீட்டில் ஓசூரில் மேம்பட்ட மின்னணு மற்றும் டெலிமாடிக்ஸ் உற்பத்தி நிறுவனத்தை அமைப்பதற்கான புரிந்துணர்வு ஒப்பந்தம் முதலமைச்சர் ஸ்டாலின் முன் கையெழுத்தானது.. இந்த புரிந்துணர்வு ஒப்பந்தத்தில் RGBSI நிறுவனத்தின் CEO மற்றும் முதன்மை செயல் அலுவலர் டாக்டர் நானுவா சிங் மற்றும் துறைசார்ந்த நிறுவன அதிகாரிகள் பங்கேற்றுள்ளனர்..
நேற்றைய புரிந்துணர்வு ஒப்பந்தத்தில் வர்த்தகத்துறை அமைச்சர் ஆர்.பி.ராஜா, தொழில், வர்த்தகத்துறை செயலாளர் வி.அருண் ராய், தொழில் வழிகாட்டி நிறுவனத்தின் மேலாண்மை இயக்குநர் மற்றும் தலைமைச் செயல் அலுவலர் வே.விஷ்ணு ஆகியோர் பங்கேற்றனர்..
கடந்த 16 நாட்களாக அமெரிக்காவில் முதலீட்டாளர்களுடனான ஒப்பந்தங்களை முடித்து விட்டு முதலமைச்சர் ஸ்டாலின் இன்று தாயகம் திரும்பி வருகிறார்..
சிறுகதைகள் – 75 | தொடர் கதை – 2 | கிரைம்- 572 + | கவிதைகள் – 150 + | எழுத்தாளர் – 4000 + | ஆன்மிகம் தொகுப்பாளர்
நம்மை வீழ்த்தியவர்கள் முன் ஜெயிக்க வேண்டுமே.. தவிர அடுத்தவர்களை வீழ்த்தி ஜெயிக்க கூடாது..
