முதலமைச்சர் ஸ்டாலின் அமெரிக்கா பயணம்..!! 7 நாள் பயணத்தின் பிளான்..!!
வருகின்ற 2030ம் ஆண்டுக்குள் தமிழ்நாட்டை ஒரு டிரில்லியன் அமெரிக்க டாலர் மற்றும் பொருளாதாரம் அதிகம் கொண்ட மாநிலமாக மாற்ற வேண்டும் என்ற நோக்கில் தமிழக முதலமைச்சர் ஸ்டாலின், அமைச்சர்கள், அதிகாரிகளை ஈடுபடுத்தி முழு வீச்சுடன் செயல்பட்டு வருகிறார். கடந்த 2024ம் ஆண்டு ஜனவரி மாதம் சென்னையில் நடைபெற்ற உலக முதலீட்டாளர்கள் மாநாட்டில் 6 லட்சம் கோடி பணம் முதலீடுகளுக்கான புரிந்துணர்வு ஒப்பந்தம் மேற்கொள்ளப்பட்டது.
தமிழக முதலமைச்சராக ஸ்டாலின் பொறுப்பேற்ற பின் கடந்த 3 ஆண்டுகளில் மட்டும் துபாய், அபுதாபி, லண்டன், சிங்கப்பூர், ஜப்பான், ஸ்பெயின் போன்ற நாடுகளுக்கு சென்று,அங்குள்ள முதலீட்டாளர்களை சந்தித்து தமிழகத்தில் புதிய தொழில் தொடங்குவதற்கான பேச்சு வார்தைகளை மேற்கொண்டார்..
அதன் தொடர்ச்சியாக முதலீட்டாளர்கள் சந்திப்பதற்காக, ஈர்ப்பு பயண வரிசையில் தற்போது அமெரிக்கா செல்கிறார். இந்த மாதம் 27ம் தேதி அமெரிக்கா பயணம் மேற்கொள்ளும் முதலமைச்சர் ஸ்டாலின் முதலாவதாக அமெரிக்காவில் தங்கியிருந்து முதலீட்டாளர்களை சந்திக்க உள்ளார். அதற்காக மத்திய அரசிடம் அனுமதி கோரியிருந்த நிலையில் மத்திய வெளியுறவு அமைச்சகம் ஸ்டாலின் அமெரிக்கா செல்வதற்கு முறைப்படி அனுமதி வழங்கப்பட்டுள்ளது.
அதனைத் தொடர்ந்து முதலமைச்சரின் பயணத் திட்டத்திற்கான ஏற்பாடுகள் நடைபெற்று வருகிறது. அந்த பயணத்தின் போது சான்பிரான்சிஸ்கோ, சிகாகோ நகரங்களில் உலகின் முன்னணி நிறுவன தலைவர்களை சந்தித்து தமிழ்நாட்டில் புதிய தொழில் தொடங்குவதற்கான ஒப்பந்தம் குறித்து பேசுகிறார். அதன் பின் ஆகஸ்ட் 28ம் தேதி முதல் செப்டம்பர் 2ம் தேதி வரையில் சான் பிரான்சிஸ்கோ நகரில் முன்னணி நிறுவன தலைவர்களை சந்தித்து பேசவுள்ளார்.. முதலமைச்சரின் இந்த பயணத்தில் பிரபல முன்னணி நிறுவனங்களுடன் ஒப்பந்தங்கள் கையெழுதிப்பட்டுள்ளது
அதேபோல் அமெரிக்காவில் உள்ள கூகுள் நிறுவன சி.இ.ஓ சுந்தர் பிச்சையை சந்த்து பேச உள்ளதாக தகவல்கள் வெளியாகியுள்ளது.. மைக்ரோசாப்ட் நிறுவன உரிமையாளர் பில்கேட்ஸ் மற்றும் மைக்ரோசாஃப்ட் நிறுவன அதிகாரிகளையும் முதலமைச்சர் ஸ்டாலின் சந்திக்க உள்ளதாக கூறப்படுகிறது.
அதனை தொடர்ந்து ஆகஸ்ட் 29ம் தேதி சான்பிரான்சிஸ்கோவில் நடைபெறும் முதலீட்டார்கள் மாநாட்டில் பங்கேற்று பேச உள்ளார். ஆகஸ்ட் 31ம் தேதி அமெரி்க்காவில் வசிக்கும் புலம்பெயர்ந்த தமிழர்களையும், தொழிலதிபர்களையும் சந்தித்து அவர்களுடன் கலந்துரையாடுகிறார். முதலமைச்சர் ஸ்டாலினின் இந்த பயணத்துடன் அவரது மனைவி துர்கா ஸ்டாலின், தொழில் துறை அமைச்சர் டி.ஆர்.பி.ராஜா, முதல்வரின் செயலாளர்கள், தொழில் துறை செயலாளர் மற்றும் பல்வேறு உயர் அதிகாரிகள் பயணிக்க போவதாக தகவல் வெளியாகியுள்ளது.
சிறுகதைகள் – 75 | தொடர் கதை – 2 | கிரைம்- 572 + | கவிதைகள் – 150 + | எழுத்தாளர் – 4000 + | ஆன்மிகம் தொகுப்பாளர்
நம்மை வீழ்த்தியவர்கள் முன் ஜெயிக்க வேண்டுமே.. தவிர அடுத்தவர்களை வீழ்த்தி ஜெயிக்க கூடாது..
