அம்பானியின் 14 கோடி கடனை தள்ளுபடி செய்த பாஜக..! நாடாளுமன்றத்தில் ஓங்கி ஒலித்த ராகுல்காந்தி குரல்..!
மக்களவையில் இன்று குடியரசுத் தலைவரின் உரைக்கு நன்றி தெரிவிக்கும் தீர்மானம் நடைபெற்றது. அப்போது பேசிய எதிர்க்கட்சி தலைவர் ராகுல் காந்தி, “அக்னிபாத் திட்டத்தில் இராணுவ வீரர் ஒருவர் உயிரிழந்தால் அதை வீரமரணமாக ஒன்றிய பாஜக அரசு ஏற்க மறுக்கிறது.
அக்னிபாத் திட்டம் என்பது ராணுவ வீரர்களுக்கான திட்டம் அல்ல, பிரதமர் மோடியின் மூளையில் உதித்த திட்டம். அக்னிபாத் திட்டத்தை உருவாக்கியதே மோடி தான். அக்னிபாத் திட்டம் ஒரு “யூஸ் அன் த்ரோ” போல இருக்கிறது என ராகுல் காந்தி கூறினார்.
அப்போது குறுக்கிட்டு பேசிய ராஜ்நாத் சிங், அவையில் தவறான தகவல்களை காங்கிரஸ் சொல்கிறது.. என குறிப்பிட்டார். மேலும் அக்னி வீரர்களிடம் ராகுல் காந்தி மன்னிப்பு கேட்க வேண்டும் என அமித்ஷா எதிர்ப்பு தெரிவித்தார்.
அதனை தொடர்ந்து பேசிய ராகுல் காந்தி, மணிப்பூரில் உள்நாட்டு போர் நடந்து கொண்டு இருக்கிறது. ஆனாலும் பிரதமர் மணிப்பூர் செல்லாமல் இருக்கிறார். மணிப்பூர் இந்தியாவின் ஒரு பகுதி இல்லையா..? பிரதமர் ஏன் அங்கு செல்லவில்லை..? என கேள்வி எழுப்பினார்.
ஒன்றிய அரசின் கொள்கைகளால் மணிப்பூர் மாநிலத்தில் வன்முறை நீடித்து கொண்டே போகிறது. பிரதமரையும், உள்துறை அமைச்சரையும் பொறுத்தவரை மணிப்பூர் ஒரு மாநிலமே இல்லை. கடவுளுடன் நேரடி தொடர்பில் இருப்பதாக கூறியவர் மோடிதான்..
மும்பை விமான நிலையத்தை அதானிக்கு கொடு என கடவுள் சொன்ன மாதிரி அந்த வேலையை செய்துள்ளார். பணமதிப்பிழப்பு நடவடிக்கை மூலம் இந்தியாவின் முதுகெலும்பை மோடி உடைத்து விட்டார். பணமதிப்பிழப்பால் தெருவோர வியாபாரிகள் வாழ்வாதாரம் மிகவும் பாதிக்கப்பட்டுள்ளது.
சிறு, குறு, தொழில் நிறுவனங்கள் ஒழிக்கப்பட்டதால் வேலைவாய்ப்பே இல்லாமல் போய்விட்டது. எழுதி வைத்துக் கொள்ளுங்கள், குஜராத்தில் பாஜக படு தோல்வி அடையும்..
நீட்தேர்வு தமிழ்நாட்டில் வியாபார ரீதியாக நடத்தப்படுகிறது . நீட்தேர்வில் 22 சதவீதம் எடுத்தாலே தேர்ச்சி பெற்றதாக அறிவிக்கப்படுகிறது. நீட் தேர்வு மூலம் பயிற்சி மையங்கள் கோடி கணக்கில்
சம்பாதிக்கிறார்கள். சொல்லப்போனால் பணக்காரர்களின் குழந்தைகளுக்காகவே நீட்தேர்வு கொண்டுவரப்பட்டுள்ளது.
நீட் குறித்து விவாதிக்கக் கோரினால் அரசு அதை மறு பரிசீலனை செய்ய வேண்டும். நீட் முறைகேடு பற்றி குடியரசுத் தலைவரின் உரையில் எதுவும் இடம்பெறவில்லை. கடந்த 7 ஆண்டுகளில் 70 முறை நீட் வினாத்தாள் கசிந்துள்ளது.
விவசாயிகள் விரும்பாத வேளாண் சட்டங்களை மத்திய பாஜக அரசு கொண்டு வந்துள்ளது. வேளாண் சட்டங்களை எதிர்த்து விவசாயிகள் ஓராண்டு போராட்டம் நடத்தினார்கள். போராடிய விவசாயிகளை பயங்கரவாதிகள் என பாஜக அரசு சொன்னது.
அதானி, அம்பானியிடம் இருந்து 14 லட்சம் கோடி கடனை தள்ளுபடி செய்ய தெரிஞ்ச பாஜக அரசிற்கு, விவசாயிகளின் கடனை தள்ளுபடி செய்யாதது ஏன்..? நாட்டில் வேலை வாய்ப்பை உருவாக்க எந்த திட்டத்தையும் செயல்படுத்தவில்லை.
சட்டப்பூர்வ உறுதியுடன் குறைந்தபட்ச ஆதாரவிலையை மத்திய அரசு தரவில்லை. பொதுத்துறை வங்கிகளை தனியார் மயமாக்கியது தான் மத்திய அரசின் சாதனை ஆகும். நாட்டில் மருத்துவக்கல்வியை வியாபாரமாக்கி விட்டனர்,” என இவ்வாறே அவர் கூறினார்..
இதையும் படிங்க…
விசாரணை அமைப்பை தவறாக பயன்படுத்தும் ஒன்றிய அரசு..! ராகுல் காந்தி தலைமையில் எதிர்கட்சிகள்..!
– லோகேஸ்வரி.வெ
சிறுகதைகள் – 75 | தொடர் கதை – 2 | கிரைம்- 572 + | கவிதைகள் – 150 + | எழுத்தாளர் – 4000 + | ஆன்மிகம் தொகுப்பாளர்
நம்மை வீழ்த்தியவர்கள் முன் ஜெயிக்க வேண்டுமே.. தவிர அடுத்தவர்களை வீழ்த்தி ஜெயிக்க கூடாது..
