முட்டை கீமா ரெசிபி..?
ADVERTISEMENT
தமிழ்நாடு, இந்தியா, உலகம், சினிமா, விளையாட்டு, செய்திகளை உடனுக்குடன் தெரிந்துகொள்ள Madhimugam டெலிகிராம் சேனலுடன் எப்போதும் இணைந்திருங்கள்.
முட்டை கீமா என்பது வேகவைத்த முட்டையை துண்டுகளாக்கி மசாலாவுடன் செய்த ஒரு அருமையான உணவாகும். இது சாதத்துடன் தொட்டு சாப்பிட மற்றும் சப்பாத்தி பரோட்டா ஆகியவற்றுடன் சாப்பிட சுவையாக இருக்கும்.
தேவையான பொருட்கள்:
- முட்டை 4
- எண்ணெய்
- கடுகு
- சீரகம்
- பட்டை
- கிராம்பு
- ஏலக்காய்
- பிரியாணி இலை
- வெங்காயம் 1
- இஞ்சி பூண்டு விழுது 2 ஸ்பூன்
- தக்காளி 1
- மஞ்சள்தூள்
- மிளகாய்த்தூள்
- கரம் மசாலாதூள்
- மல்லித்தூள்
- பச்சை பட்டாணி 2 ஸ்பூன்
- உப்பு
- தண்ணீர்
- புதினா இலை
- கொத்தமல்லி இலை
செய்முறை:
- ஒரு பாத்திரத்தில் முட்டை சேர்த்து அதில் தண்ணீர் ஊற்றி முட்டையை வேகவைத்து அதன் தோலை உரித்து எடுத்துக் கொள்ள வேண்டும்.
- பின் உரித்த முட்டைகளை சதுரமாக நறுக்கிக் கொள்ள வேண்டும்.
- ஒரு ஃபேனில் எண்ணெய் ஊற்றி சூடானதும் அதில் கடுகு, சீரகம், பிரியாணி இலை, பட்டை, கிராம்பு, ஏலக்காய், ஆகியவற்றை சேர்த்து தாளித்து கொள்ள வேண்டும்.
- அடுத்ததாக பொடியாக நறுக்கிய வெங்காயம் சேர்த்து பொன்னிறமாக வதக்க வேண்டும்.
- பின் 2 ஸ்பூன் இஞ்சி பூண்டு விழுது சேர்த்து பச்சை வாசனை போகும் வரை வதக்க வேண்டும்.
- நறுக்கிய தக்காளியை சேர்த்து நன்றாக மசிந்து வரும் வரை வதக்க வேண்டும்.
- பின் மஞ்சள்தூள், மிளகாய்த்தூள், மல்லித்தூள், கரம் மசாலாத்தூள் ஆகிய மசாலா வகைகளை சேர்த்து மிதமான தீயில் வதக்க வேண்டும்.
- பச்சை பட்டாணி சேர்த்து கிளறிவிட்டு சிறிது தண்ணீர் சேர்த்து கொதிக்க வைக்க வேண்டும்.
- குழம்பு கொதித்ததும் புதினா மற்றும் கொத்தமல்லி இலைகளை பொடியாக நறுக்கி சேர்க்க வேண்டும்.
- தண்ணீர் நன்றாக சுண்டி வந்ததும் நறுக்கிய முட்டை சேர்த்து கிளறிவிட்டு இறக்க வேண்டும்.
- அவ்வளவுதான் முட்டை கீமா தயார் சுவைத்து மகிழுங்கள்.
