அரசு ஊழியர்களுக்கு அதிரடி உத்தரவு..!! ஆகஸ்ட் 31ம் தேதிக்குள் சமர்ப்பிக்க வேண்டிய ஆவணம்..!!
அரசு பணியில் இருக்கும் நிரந்தர ஊழியர்கள் மற்றும் தற்காலிக ஊழியர்கள் அனைவரும்., தங்களின் அசையும் சொத்து மற்றும் அசையா சொத்துகளின் விவரங்கள் மற்றும் ஆவண சான்றிதழ்களின் நகலை ஆகஸ்ட் 31-ம் தேதிக்குள் சமர்பிக்காவிட்டால் அடுத்த மாதம் முதல் சம்பளம் வழங்கப்படாது என உத்தரப்பிரதேசம் மாநில முதலமைச்சர் யோகி ஆதித்யநாத் தெரிவித்துள்ளார்.
உத்தரப்பிரதேசம் அரசு நிர்வாகத்தில் நடக்கும் ஊழலை தடுத்து ஊழல் அற்ற மாநிலமாக மாற்ற அம்மாநில அரசு முடிவு செய்துள்ளது., அதற்காக அம்மாநில முதலமைச்சர் யோகி ஆதித்யநாத் தலைமையிலான அரசு கடந்தாண்டு (2023) ஆகஸ்ட் மாதம் புதிய உத்தரவை பிறப்பித்துள்ளது.,
அதாவது “அரசு வேலை செய்பவர்கள் அனைவரும் தங்களது அசையும், அசையா சொத்து விவரங்களை அரசின் l (Manav Sampada) என்ற இணைய தளத்தில் வருகின்ற டிசம்பர் மாதம் 31ம் தேதி 2023 க்குள் சமர்பிக்க வேண்டும் என்று அறிவுறுத்தியுள்ளது.
உத்தரப்பிரதேசம் மாநிலத்தில் 17.88 லட்சம் அரசு ஊழியர்கள் வேலை செய்கின்றனர். ஆனால், பெரும்பாலான பணியாளர்கள் விவரங்களை தாக்கல் செய்யாததால் அதற்கான கால அவசாகம் இந்தாண்டு (2024) ஜூன் 30-ம் தேதி வரை நீட்டிக்கப்பட்டது.
அதன் பின் ஜூலை 31-ம் தேதி சொத்து விவரங்களை சமப்பிக்க கடைசி தேதி என்று அறிவிக்கப்பட்டது. இறுதியாக ஆகஸ்ட் 31-ம் தேதி வரை நீட்டிக்கப்பட்டுள்ளது.
இந்நிலையில், இந்த மாதம் 31-ம் தேதிக்குள் விவரங்களை ஆன்லைனில் சமர்பிக்காவிட்டால் அரசு பணியாளர்களுக்கு சம்பளம் வழங்கப்படாது எனவும், யாரெல்லாம் விவரங்களை சமர்பிக்கிறார்களோ அவர்களுக்கு மட்டுமே ஊதியம் வழங்கப்படும் எனவும் முதலமைச்சர் யோகி ஆதித்யநாத் அதிரடியான அறிவிப்பு ஒன்றை வெளியிட்டுள்ளார்…
அரசு பல முறை காலக்கெடுவை நீட்டித்தும் இன்னும் 13 லட்சம் அரசு ஊழியர்கள் தங்களது சொத்து விவரங்களைத் தாக்கல் செய்யாத காரணத்தால் இந்த உத்தரவு பிறப்பிக்கப்பட்டுள்ளது.
அரசின் இந்த நடவடிக்கையை சமாஜ்வாடி கட்சியின் செய்தித் தொடர்பாளர் அஸ்தோஷ் வர்மா விமர்சனம் செய்துள்ளார். மாநில அரசு இத்திட்டத்தை 2017-ம் ஆண்டே ஏன் கொண்டு வரவில்லை எனவும், தங்களது அரசு ஊழியர்கள் அனைவரும் ஊழல்வாதிகள் என்பதை முதலமைச்சர் புரிந்து கொண்டுள்ளதால் தான் இத்திட்டத்தை மாநில அரசால் இன்னும் செயல்படுத்த முடியவில்லை எனவும் அவர் தெரிவித்துள்ளார்.
சிறுகதைகள் – 75 | தொடர் கதை – 2 | கிரைம்- 572 + | கவிதைகள் – 150 + | எழுத்தாளர் – 4000 + | ஆன்மிகம் தொகுப்பாளர்
நம்மை வீழ்த்தியவர்கள் முன் ஜெயிக்க வேண்டுமே.. தவிர அடுத்தவர்களை வீழ்த்தி ஜெயிக்க கூடாது..
