சமீபத்தில் நிகழ்ச்சி ஒன்றில் கலந்து கொண்ட நடிகர் சிவகார்த்திகேயன். அரபிக் குத்து பாடலுக்காக விஜய் தன்னை பாராட்டியதாக தெரிவித்துள்ளார்.
நெல்சன் தீலிப்குமார் இயக்கத்தில் நடிகர் விஜய் நடித்து வரும் வரும் படம் பீஸ்ட். இதில் விஜய்க்கு ஜோடியாக நடிகை பூஜா ஹேக்டே நடித்துள்ளார். சன்பிக்ச்சர்ஸ் நிறுவனம் தயாரிக்கும் இப்படத்திற்கு இசையமைப்பாளர் அனிருத் இசையமைத்துள்ளார். இந்த படம் ஏப்ரல் 14 ஆம் தேதி வெளியாக உள்ளது.
சமீபத்தில் இப்படத்தின் ‘அரபிக் குத்து’ பாடல் வெளியாகி ரசிகர்களிடம் நல்ல வரவேற்பை பெற்றது. சிவகார்த்திகேயன் எழுதிய இந்த பாடலுக்கு அனிருத் இசையமைத்துள்ளார். மேலும் இப்பாடல் 100 மில்லியன் பார்வையாளர்களை கடந்து சாதனை படைத்தது.
இந்நிலையில், சமீபத்தில் நடந்த நிகழ்ச்சியில் கலந்து கொண்ட சிவகார்த்திகேயன் இப்பாடல் குறித்தும் விஜய் குறித்தும் சில விஷயங்களை பகிர்ந்துள்ளார்.
இந்த பாடல் குறித்து விஜய் சார் உங்களிடம் என்ன சொன்னார் என்ற கேள்விக்கு, இந்த பாடலை முன்பே படமாக்கிவிட்டார்கள். அதனால் விஜய் சார் இந்த பாடல் குறித்து என்ன நினைத்தார் என்று தெரியவில்லை,
சமீபத்தில் தான் இதன் புரோமோ வீடியோ ஷுட் செய்தோம். அப்போது தான் விஜய் சார் தொலைபேசியில் “சூப்பர் பா. எழுதிக் கொடுத்ததிற்கு ரொம்ப தேங்க்ஸ் பா. அரபிக் எல்லாம் பயங்கரமா எழுதுறியே” என்று கூறினார்.
