புஷ்பா 2 படத்தின் ரிலீஸ் தேதியை அறிவித்த படக்குழு…!
புஷ்பா தி ரைஸ்:
அல்லு அர்ஜூன் நடிப்பில் கடந்த 2021ஆம் வெளியான திரைப்படம் “புஷ்பா தி ரைஸ்”. இந்த படத்தில் இவருக்கு ஜோடியாக ரஷ்மிகா மந்தனா நடிந்திருந்தார்.
மேலும் சுனில், பகத் பாசில் உள்ளிட்ட பலர் முக்கிய காதபாத்திரத்தில் நடித்திருந்தனர். தேவி ஸ்ரீ பிரசாத் இசையமைத்த இத்திரைப்படத்தை மைத்ரி மூவி மேக்கர்ஸ் நிறுவனம் தயாரித்திருந்தது.
தமிழ், தெலுங்கு, மலையாளம், கன்னடம், இந்தி, ஆங்கிலம் ஆகிய ஐந்து மொழிகளில் வெளியான இப்படம் அனைத்து மொழி ரசிகர்களிடமும் நல்ல விமர்சனத்தை பெற்று கிட்டத்தட்ட ரூ.400 கோடி வரை வசூல் வேட்டை ஆடியது.
இதனை தொடர்ந்து இப்படத்தில் இரண்டாம் பாகம் உருவாக இருப்பதாக அறிவிக்கப்பட்டது.
புஷ்பா2:
அதன்படி இதன் இரண்டாம் பாகத்திற்கான படப்பிடிப்பு பணிகள் கடந்த ஒரு வருடமாக நடந்து வருகிறது. நடிகர் பகத் பாசில், ராஷ்மிகா மந்தனா உள்ளிட்ட நடிகர்கள் இதில் நடித்து வருகின்றனர்.
புஷ்பா-2 படத்தின் 2 பாடல்கள் மற்றும் டீசர் ஆகியவை வெளியாகி மக்கள் இடையே நல்ல வரவேற்பை பெற்றது. அதனை தொடர்ந்து படத்தின் இடம்பெற்ற ‘புஷ்பா புஷ்பா’ என்ற முதல் பாடலின் லிரிக் வீடியோவும் வெளியாகி வைரலானது.
இந்த படத்தை வரும் ஆகஸ்டு மாதம் 15-ந் தேதி புஷ்பா-2 வெளியிட படக்குழு முடிவு செய்திருந்த நிலையில் படத்தின் இறுதி கட்டப் பணிகள் இன்னும் நிறைவு அடையமால் உள்ளது. இதனால் படம் வெளி வருவதில் தாமதம் ஏற்படும் என கூறப்பட்டது.
இந்நிலையில், புஷ்பா படத்தின் இரண்டாம் பாகம் வரும் டிசம்பர் 6ம் தேதி வெளியாகும் என படக்குழு அதிகாரபூர்வ தகவலை வெளியிட்டுள்ளது.
-பவானி கார்த்திக்
