பீஸ்ட் படத்தில் இடம்பெற்றுள்ள “ஜாலியா ஜிம்கானா” பாடல் இன்று(மார்ச்.19) மாலை 6 மணிக்கு வெளியாகவுள்ளது.
இயக்குநர் நெல்சன் திலீப்குமார் இயக்கத்தில் நடிகர் விஜய் நடிப்பில் உருவாகிறது ‘பீஸ்ட்’ திரைப்படம். இதில் விஜய்க்கு ஜோடியாக பூஜா ஹெக்டே நடிக்கிறார். மேலும் இந்த படத்தில் செல்வராகவன், யோகிபாபு, ரெடின் கிங்ஸ்லி ஆகியோர் முக்கிய கதாப்பாத்திரங்களில் நடித்துள்ளனர்.
அனிருத் இசையமைக்கும் இப்படத்தை சன் பிக்சர்ஸ் நிறுவனம் தயாரிக்கிறது. இப்படத்தின் இறுதிக்கட்ட பணிகள் விறுவிறுப்பாக நடைபெற்று வருகிறது.ஏப்ரல் மாதம் ‘பீஸ்ட்’ படம் வெளியாகும் என படக்குழுவினர் அறிவித்துள்ளனர்.
இதற்கிடையில் சமீபத்தில் வெளியான ‘பீஸ்ட்’ படத்தின் முதல் பாடலான அரபிக்குத்து பாடல் பட்டிதொட்டி எங்கும் ஹிட்டடித்து பல்வேறு சாதனைகளைப் படைத்தது.
இதனை தொடர்ந்து, படத்தின் இரண்டாவது பாடலான ‘ஜாலியோ ஜிம்க்கானா’ பாடல் இன்று(மார்ச்.19) மாலை 6 மணிக்கு வெளியாகும் என படக்குழுவினர் முன்னதாக அறிவித்திருந்தனர்.
இந்நிலையில், சன்பிக்ச்சர்ஸ் நிறுவனம் புதிய ப்ரோமோ ஒன்றை வெளியிட்டு ஜாலியா ஜிம்கானா பாடல் இன்று மாலை 6 மணிக்கு வெளியாவதாக அறிவித்துள்ளது. இந்த ப்ரோமோ மிகவும் கலகலப்பாக இருப்பதால் இணையத்தில் வைரலாகி வருகிறது.
