‘சரவணா ஸ்டோர்ஸ்’ சரவணன் நடிக்கும் ‘தி லெஜண்ட்’ படத்தின் முதல் பார்வைக்கான போஸ்டர் மற்றும் மோஷன் போஸ்டரை படக்குழுவினர் வெளியிட்டுள்ளனர்.
சரவணன் ஸ்டோர்ஸ் உரிமையாளர் சரவணன் அருள் தனது கடையின் விளம்பர படங்களில் மட்மே நடித்து வந்ததை தொடர்ந்து தற்போது, ஒரு புதிய திரைப்படத்தில் நடிப்பதன் மூலம் தமிழ் சினிமாவில் கதாநாயகனாக அறிமுகமாகவுள்ளார்.
இப்படத்தை ஜேடி-ஜெர்ரி என்ற இரட்டை இயக்குநர்கள் இயக்குகின்றனர். இதில் லெஜெண்ட் சரவணனுக்கு ஜோடியாக பாலிவுட் மாடல் ரித்திகா திவாரி நடிக்கிறார். இப்படத்திற்கு இசையமைப்பாளர் ஹரிஷ் ஜெயராஜ் இசையமைத்து வருகிறார்.
மேலும் இதில், ரோபோ சங்கர், நகைச்சுவை நடிகர் யோகிபாபு ஆகியோர் முக்கிய கதாபாத்திரத்தில் நடித்து வருகின்றனர். அதிரடி சன்டைக்காட்சிகளுடன் தயாராகும் இப்படத்திற்கான படப்பிடிப்பு விறு விறுப்பாக நடைபெற்று வருகிறது.
இந்நிலையில், இப்படத்தின் முதல் பார்வைக்கான போஸ்டர் மற்றும் மோஷன் போஸ்டர் இன்று(மார்ச்.04) காலை வெளியாகி இணையத்தில் வைரலாகி வருகிறது. இப்படத்திற்கு “தி லெஜெண்ட்” என தலைப்பு வைக்கப்பட்டுள்ளது.
