வெற்றிமாறன் இயக்கத்தில் இரண்டு பாகங்களாக உருவாகி வரும் விடுதலை படத்தின் ரிலீஸ் தேதி குறித்த தகவல் சமூக வலைத்தளங்களில் பரவலாக வைரலாகி வருகிறது.
தமிழசினிமாவில் முன்னணி இயக்குனரான வெற்றிமாறன் பல நாவல்களை தழுவி அதை படமாக எடுப்பதில் வல்லவர் என்பது அனைவரும் அறிந்ததே. அசுரன் படத்தின் வெற்றிக்கு பிறகு ஜெயமோகனின் ‘துணைவன்’ சிறுகதையை மையமாக கொண்டு அதனை தழுவி விடுதலை என்ற படத்தை வெற்றிமாறன் இயக்கி வருகிறார் . இந்த படத்தில் சூரி கதாநாயகனாகவும் மற்றும் விஜய் சேதுபதி முக்கிய வேடத்திலும் நடித்துள்ளனர். சிறிய பட்ஜெட்டில் உருவாக இருந்த இந்த திரைப்படம் கதையில் ஏற்பட்ட மாற்றங்கள் காரணமாக படம் விரிவடைந்து இரண்டு பாகங்களாக உருவாகி வருகிறது.
பிரமாண்டமாக உருவாகி வரும் இந்த படத்தின் படப்பிடிப்பு பணிகள் சமீபத்தில் நிறுவடைந்த நிலையில் அடுத்தகட்ட வேலைகள் நடைபெற்று வருகிரது. இந்நிலையில் விடுதலை திரைப்படம் வெளியாகும் தேதி குறித்தான தகவல் பரவலாக கசிந்து வருகிறது அதன்படி அந்த படத்தின் முதல் பாகம் வரும் மார்ச் மாதம் 31ம் தேதி வெளியாகும் என்றும் அடுத்த பாகம் இந்த ஆண்டின் இறுதியில் வெளியாகும் என்றும் பேசப்பட்டு வருகிறது. இந்த படத்தை வெளியிட்ட பிறகு வாடிவாசல் படத்தின் பணிகள் தொடங்கும் என்று எதிர்பார்க்கப்படுகிறது.
