தமிழ் திரையுலகில் முன்னணி கதாநாயகிகளாக வலம் வரும் நயன்தாராவும், திரிஷாவும் மோகன்லால் நடிக்கும் திரிஷா படத்தில் இணைந்து நடிக்க போவதாக தகவல் வெளியாகியுள்ளது. மோகன்லால் நடிப்பில் தமிழ், மலையாள மொழிகளில் தயாராகும் திரிஷா படத்தில் நயன்தாராவை நடிக்க வைக்க படக்குழுவினர் பேச்சுவார்த்தை நடத்தி வருவதாக மலையாள பட உலகில் தகவல் பரவி உள்ளது. 
இதற்கு முன் விக்னேஷ் சிவன் இயக்கிய காத்துவாக்குல ரெண்டு காதல் படத்தில் நயன்தாராவும், திரிஷாவும் நடிப்பதாக இருந்தது. ஆனால் கடைசி நேரத்தில் திரிஷாவுக்கு பதில் சமந்தா ஒப்பந்தம் செய்துவிட்டனர். தற்போது ஜீத்து ஜோசப் இயக்கத்தில் மோகன்லால் நடிக்கும் ராம் படத்தில் திரிஷா நடித்து வருகிறார். இதன் படப்பிடிப்பு லண்டனில் நடந்து வருகிறது.
இந்த படத்தில் நயன்தாராவை நடிக்க வைக்க படக்குழுவினர் பேச்சுவார்த்தை நடத்தி வருகின்றனர். கதைப்படி முதல் பாகத்தின் கிளைமாக்ஸ் காட்சியில் திரிஷாவுடன், நயன்தாரா நடிக்கும் காட்சிகள் இடம் பெறும் என்றும் இரண்டாம் பாகத்தில் அதிக காட்சிகளில் நயன்தாரா வருவது போன்று திரைக்கதை அமைத்து உள்ளதாக கூறப்படுகிறது.
