உலகம் முழுக்க ‘ட்ரம்ப் – எலான் மஸ்க் நட்பு விரிசல்தான் தற்போது பேசப்பட்டு வருகிறது.இருவரும் சமூக வலைதளத்தில் மாறி மாறி கருத்துகள் மூலம் மோதிக்கொண்டனர்.
அமெரிக்க அதிபர் ட்ரம்பிடன் எலான் மஸ்கிடம் ஏற்பட்டுள்ள நட்பு விரிசல் குறித்து கேள்வி கேட்கப்பட்ட போது, ‘நண்பராக இருந்து எதிரியாக மாறியவர்’ என்றார்.’எலான் மஸ்க் உடன் மீண்டும் சமாதானம் ஏற்படுமா?’ என்று கேட்டப்போது, ட்ரம்ப், “எனக்கு அப்படி எந்த யோசனையும் கிடையாது. யாரோ ஒருவர்தான் தவறு செய்துள்ளார். நான் அதுகுறித்து யோசிப்பது கூட இல்லை. என்னைத் தவிர, யார் இல்லையென்றாலும் அமெரிக்கா இயங்கும்” மேலும், எலான் மஸ்க்கை, ‘புத்தியை இழந்துவிட்டார்’ என்றும் டிரம்ப் காட்டமாக விமர்சித்துள்ளார்.
பதிலுக்கு எலன் மஸ்க், நான் இல்லையென்றால் டிரம்ப் வெற்றி பெற்றிருக்க முடியாது, நன்றியே இல்லாதவர் என்று டிரம்பை விமர்சனம் செய்தார்.
ட்ரம்ப் – எலான் மஸ்க் திடீர் நட்பு விரிசலுக்கு காரணம், ‘ஒன் பிக் அண்ட் பியூட்டிஃபுல் பில்’ என்ற புதிய சட்டம்தான் . இந்தச் சட்டத்தை ட்ரம்ப் அறிமுகப்படுத்தினார். இதில் சில வரிச் சலுகைகளும், சில வரி ரத்துகளும் இடம்பெற்றிருந்தன. இதற்கு எலான் மஸ்க் கடும் எதிர்ப்பு செய்திருந்தார். இந்த எதிர்ப்பு தான் இப்போது கொஞ்சம் கொஞ்சமாக பகையாக மாறியுள்ளது.
இதையடுத்து, டிரம்பை துரத்த எலன் மஸ்க் புதிய கட்சி தொடங்கவுள்ளார். அமெரிக்கன் புதிய கட்சி என்ற பெயரில் அவரது கட்சி இயங்கவுள்ளது. அவருக்கு சொந்தமான எக்ஸ் பக்கத்தில் புதிய கட்சி தொடங்க 80 சதவிகிதம் பேர் ஆதரவு அளித்துள்ளனர்.
