இயக்குனர் கார்த்திக் சுப்புராஜ் இயக்கத்தில் கடந்த 2014ம் ஆண்டு ஜிகர்தண்டா திரைப்படம் வெளியாகியது. முற்றிலும் மாறுபட்ட கதைக்கலத்தை கொண்ட இந்த படம் பெரும் வெற்றியடைந்தது மேலும் தேசிய விருதும் பெற்றது. இந்நிலையில் நீண்ட இடைவெளிக்கு பிறகு இந்த படத்தின் 2ம் பாகத்தின் படப்பிடிப்பு தொடங்கியுள்ளது.
கார்த்திக் சுப்புராஜ் இயக்கும் படங்களுக்கு ஒரு தனி ரசிகர் கூட்டமே உள்ளது. இவரின் படங்கள் மற்ற இயக்குனர்களின் படங்களில் இருந்து சற்று வேறுபட்டே இருக்கும். அவர் இயக்கிய ஜிகர்தண்டா படத்திற்கும் பெரும் ரசிகர் பட்டாளம் உள்ளது. இந்நிலையில் ஜிகர்தண்டா படத்தின் வெற்றியை தொடர்ந்து இப்படத்தின் 2 ம் பாகத்தின் படப்பிடிப்புகள் மதுரையில் தொடங்கியுள்ளது. கடந்த சில தினங்களுக்கு முன் ஜிகர்தண்டா 2 படத்தின் அறிவிப்பு வெளியாகி அதன் முன்னோட்ட டீஸர் ஒன்று வெளியாகி பெரும் வரவேற்பை பெற்றுள்ளது.
இந்நிலையில் இன்று முதல் படப்பிடிப்பையும் படக்குழுவினர் தொடங்கியுள்ளனர். இந்த படத்தில் ராகவா லாரன்ஸ், எஸ்.ஜே. சூர்யா முக்கிய கதாபாத்திரங்களில் நடிக்கின்றனர்.சந்தோஷ் நாராயணன் இசை அமைக்கிறார். திருநாவுக்கரவு ஒளிப்பதிவு செய்கிறார். மேலும் கார்த்திக் சுப்புராஜின் ஸ்டோன் பெஞ்ச்நிறுவனமும், பைவ் ஸ்டார் கதிரேசனும் இணைந்து இந்த படத்தை தயாரிக்கின்றனர்.
