தமிழ் சினிமா மட்டுமின்றி இந்தியா சினிமாவின் உலகநாயகனான கமல்ஹாசன் விக்ரம் படத்தின் வெற்றிக்கு பின் படங்களை தயாரிப்பதில் மிகவும் ஆர்வமாக இருக்கிறார். இதனால், சிவகார்த்திகேயனை கதாநாயகனாக வைத்து ஒரு படத்தை தயாரிப்பதாக அறிவிப்பு வெளியானது இந்நிலையில் படத்தின் படப்பிடிப்பு தள்ளி போக வாய்ப்புள்ளதாக தகவல் வெளியாகியுள்ளது.
பிரின்ஸ் படத்தின் தோல்விக்கு பிறகு தற்போது சிவகார்த்திகேயன் மாவீரன் படத்தில் நடித்து வருகிறார் இப்படத்தின் படப்பிடிப்பில் இயக்குனருக்கும் சிவகார்த்திகேயனுக்கும் கருத்து வேறுபாடு காரணமாக படப்பிடிப்பு அவ்வப்போது தடை பெறுவதாக சினிமா வட்டாரங்கள் தெரிவித்துவந்தனர். அதைத்தொடர்ந்து லோகேஷ் கனகராஜ் இருவரையும் சமாதானம் செய்து படப்பிடிப்பு தொடங்க உதவியாக இருந்ததாகவும் தகவல் வெளியானது.
இந்நிலையில், அடுத்த மாதம் கமல் தயாரிக்கும் படத்தில் நடிப்பதற்காக ஒப்பந்தமாகி இருந்த சிவகார்த்திகேயன் இன்னும் மாவீரன் படத்தின் படப்பிடிப்பை நிறைவு செய்யாததால் அந்த படத்தின் படப்பிடிப்பு மார்ச் மாதத்திற்கு தள்ளி போகவுள்ளதாக தகவல் கசிந்து வருகிறது. மாவீரன் படம் முடிந்த பிறகு தான் கமல் சிவகார்த்திகேயன் கூட்டணி சேரும் என்பதால் ரசிகர்கள் ஆர்வமாக உள்ளனர்.
