ஜெயிலர் படம் எடுத்தவருக்கு ஜெயிலில் விசாரணை..!! விமான நிலையங்களில் அனுப்பப்பட்ட லுக் அவுட் நோட்டீஸ்..!!
பகுஜன் சமாஜ் கட்சியின் மாநில தலைவர் “ஆம்ஸ்ட்ராங்” கடந்த மாதம் ஜூலை 5ம் தேதி சென்னை பெரம்பூரில் படுகொலை செய்யப்பட்டார். அந்த சம்பவம் தொடர்பாக ரவுடி ஆற்காடு சுரேஷின் தம்பி பொன்னை பாலு, திமுக வழக்கறிஞர் பிரிவை சேர்ந்த அருள், திருவேங்கடம், திருமலை, பாஜக நிர்வாகி செல்வராஜ், மணிவண்ணன், சந்தோஷ், ராமு, கோகுல், சிவசக்தி, தமிழ் மாநில காங்கிரஸ் இளைஞர் அணி துணைத் தலைவர் ஹரிகரன், அதிமுக திருவல்லிக்கேணி மேற்கு துணைச் செயலாளர் மலர்கொடி, திமுக நிர்வாகி மகன் சதீஷ், வடசென்னை பாஜக நிர்வாகி அஞ்சலை, அதிமுக கவுன்சிலர் ஹரிஹரன், வழக்கறிஞர் சிவா, பிரதீப், முகிலன், நூர் விஜய், ரவுடி நாகேந்திரன், காங்கிரஸ் முன்னாள் நிர்வாகி அஸ்வத்தமான், ஆற்காடு சுரேஷின் மனைவி பொற்கொடி என 24 பேர் இதுவரை கைது செய்யப்பட்டுள்ளனர்.
அதில் 8 பேரை போலீஸ் கஸ்டடியில் எடுத்து விசாரணை செய்ய நீதிமன்றம் உத்தரவிட்டிருந்தது.. அதன் பின் வெடிகுண்டு கொடுத்த வழக்கில் ராஜேஷ், கோபி, குமரன் ஆகிய மூன்று பேர் கைது செய்யப்பட்டுள்ளனர்.,
அந்த கொலை வழக்கில் தொடர்புடைய பிரபல ரவுடி சம்போ செந்தில் மற்றும் சீசிங்ராஜா ஆகியோருடன் தொடர்பில் இருந்த சிவா, வழக்கறிஞர் மொட்டை கிருஷ்ணன் ஆகியோரை போலீசார் தேடி வந்த நிலையில்., அவரது போனில் இருந்து இயக்குனர் நெல்சன் மனைவிக்கு பலமுறை கால் செய்யபட்டிருப்பதும் 75 லட்சம் ரூபாய் பணம் பரிவர்த்தனை செய்யப்பட்டிருப்பதும் விசாரணையில் தெரியவந்தது..
இந்நிலையில் ரவுடி மொட்டை கிருஷ்ணனுடன் தொடர்பில் இருந்ததாக இயக்குனர் நெல்சன் மனைவி மோனிஷாவை காவல்துறையினர் விசாரணை செய்தனர்., மொட்டை கிருஷ்ணனுடன் தொடர்ந்து பலமுறை மோனிஷாவிடம் தொலைபேசியில் பேசியிருந்ததால் இந்த விசாரணை நடத்தப்பட்டதாக சொல்லப்படுகிறது.
மோனிஷாவிடம் நடத்தப்பட்ட விசாரணையில் நானும் ஒரு வழக்கறிஞ்சர் மொட்டை கிருஷ்ணனும் வழக்கறிஞர்., நாங்கள் வழக்கு சமந்தமாக பேசி இருப்போம்., மேலும் எங்களுடைய அக்கவுண்ட்டில் இருந்து மாற்றப்பட்ட பணமும் வழக்கு சம்மந்தமாக கொடுக்கப்பட்ட படம் மோனிஷா விசாரணையில் தெரிவித்துள்ளார்..
அதனை தொடர்ந்து இன்று நெல்சனிடம் விசாரணை செய்யப்பட்டது ஆனால் நெல்சன் அளித்த வாக்குமூலம் மற்றும் விளக்கம் தொடர்பாக எந்த தகவலும் கிடைக்காததால். மேலும் ஒரு மணி நேரம் இந்த விசாரணை நடத்தப்பட்டதாக சொல்லப்படுகிறது. இதற்கிடையில் ஆம்ஸ்ட்ராங் கொலை வழக்கில் தேடப்பட்டு வரும் முக்கிய குற்றவாளியான மொட்டை கிருஷ்ணன் குறித்து இயக்குனர் நெல்சன் திலீப் குமாரிடம் தனிப்படை போலீசார் தொடர் விசாரணை நடத்தியுள்ளனர்.
இந்நிலையில் ஆம்ஸ்ட்ராங் கொலை வழக்கில் தலைமறைவாக இருக்கும் மொட்டை கிருஷ்ணம், சீசிங் ராஜா, சம்போ செந்தில் ஆகியோரைக் கைது செய்யும் முயற்சியில் போலீசார் தீவிரம் காட்டி வருகின்றனர். அதற்காக இண்டர்போல் உதவியை நாடியுள்ளதாகவும் தெரிவித்துள்ளனர். மேலும் அவர்களுக்கு விமான நிலையங்களில் லுக் அவுட் நோட்டீஸ் கொடுக்கப்பட்டுள்ளது.
