கணவனுக்கு சிறுமியை விருந்தாக்கிய மனைவி..! விசாரணையில் திடுக்கிடும் தகவல்!
கேரள மாநிலம் திருவனந்தபுரம் பகுதியை சேர்ந்தவர் சரத். 28 வயதாகும் இவருக்கு, நந்தா என்ற மனைவி உள்ளார். இந்நிலையில், நந்தாவுக்கும், அதே பகுதியை சேர்ந்த இன்னொரு இளைஞருக்கும், கள்ளக்காதல் இருந்து வந்துள்ளது.
இவர்களது காதல் விவகாரத்தை அறிந்த சரத், பிரிந்து வாழலாம் என்று, தனது மனைவியிடம் கூறியுள்ளார். இதனை அறிந்த மனைவி நந்தா, மீண்டும் சேர்ந்து வாழ வேண்டும் என்றால், என்ன செய்ய வேண்டும் என்று கேட்டுள்ளார். இவரது இந்த பேச்சை தனக்கு சாதகமாக பயன்படுத்திக் கொண்ட சரத், “யாராவது ஒரு சிறுமியிடம் நான் உல்லாசமாக இருக்க வேண்டும்.
அதற்கு ஏற்பாடு செய்துக் கொடு” என்று கூறியிருக்கிறார். முதலில் இதனைக் கேட்டு அதிர்ச்சி அடைந்த நந்தா, பின்னர் கணவரின் ஆசையை நிறைவேற்ற ஒத்துக் கொண்டுள்ளார். இதையடுத்து, 15 வயது சிறுமி ஒருவரை கண்டுபிடித்த நந்தா, அவரிடம் ஆசை வார்த்தைகளை கூறி, தனது கணவருக்கு விருந்தாக்கியுள்ளார்.
இவ்வாறு கடந்த ஒரு வருடமாக, சிறுமியை சரத் சீரழித்து வந்துள்ளார். சிறுமியின் நடத்தை சரியாக இல்லை என்பதை உணர்ந்த அவரது ஆசிரியை, அவரிடம் விசாரணை நடத்தியுள்ளார். இந்த விசாரணையில், தனக்கு நடந்த அநீதிகளை அவர் போட்டுடைத்துள்ளார்.
இதையடுத்து, இந்த விவகாரம் காவல்துறையின் கவனத்திற்கு சென்று, அவர்கள் நந்தாவையும், சரத்தையும் கைது செய்துள்ளனர்.
-பவானி கார்த்திக்
