வாடகை ஓட்டுநருக்கு அடிச்ச ஆஃபர்.. கோடிக் கணக்கில் பணம் கிரெடிட் ஆன ஆச்சர்ய சம்பவம்..!

முதலில் பணம் வந்ததை நம்பாமல் தனது நண்பருக்கு 21 ஆயிரம் அனுப்பி சோதனை செய்துள்ளார். அந்தப் பணம் சென்றதையடுத்து அளவற்ற மகிழ்ச்சியில் இருந்தார் ராஜ்குமார். பின்னர் மீதமுள்ள பணத்தை தமிழ்நாடு மெர்கண்டைல் வங்கி திரும்பபெற்றுள்ளது.

இதனையடுத்து தமிழ்நாடு மெர்கண்டைல் வங்கியின் தலைமை அலுவலகம் இருக்கும் தூத்துக்குடியில் இருந்து ராஜ்குமாரை தொலைபேசி மூலம் அழைத்து 9000 கோடி ரூபாய் பணம் தவறுதலாக டெபாசிட் செய்யப்பட்டுள்ளதாகவும், இதிலிருந்து பகிரப்பட்ட பணத்தை செலவு செய்ய வேண்டாம் எனவும் வங்கி நிர்வாகம் தரப்பில் கேட்டுக் கொண்டுள்ளது. இதனையடுத்து நிர்வாகம் தரப்பில் ராஜ்குமாரை திடீரென மிரட்ட ஆரம்பித்து, சென்னை தியாகராய நகரில் உள்ள தமிழ்நாடு மெர்கண்டைல் வங்கியின் கிளை தரப்பில் இருந்தும், டிரைவர் ராஜ்குமார் தரப்பில் இருந்தும் வழக்கறிஞர்கள் பேச்சுவார்த்தையில் ஈடுபட்டனர்.

பேச்சுவார்த்தையின் இறுதியில் 9000 கோடி ரூபாய் பணத்தில் இருந்து பரிவர்த்தனை செய்யப்பட்ட ரூ.21,000 பணத்தை திருப்பிக் கொடுக்க வேண்டாம் எனவும், அதற்கு பதிலாக வாகன கடன் வழங்குவதாக வங்கி தரப்பிலிருந்து சமரசம் பேசி அனுப்பி வைத்ததாக ராஜ்குமார் தெரிவித்து இந்த சம்பவம் சுமூகமாக முடித்து வைக்கப்பட்டது.

– யமுனா