தொடர் வாகன திருட்டில் ஈடுப்பட்ட வாலிபர்கள்.. போலீசில் சிக்கியது எப்படி..!
வேலூர் மாவட்டம் குடியாத்தம் மற்றும் அதன் சுற்றுவட்டார பகுதிகளில் கடந்த சில தினங்களாகவே இருசக்கர வாகனங்கள் திருட்டு தொடர்ந்து நடைபெற்று வருவதாக அப்பகுதி போலீசாருக்கு புகார்கள் வந்த வண்ணம் இருந்தது.
புகாரின் அடிப்படையில் வேலூர் மாவட்ட காவல் கண்காணிப்பாளர் உத்தரவின் பேரில் திருட்டு நடக்கும் பகுதிகளில் தீவிர ரோந்து பணியிலும் வாகன சோதனையிலும் குடியாத்தம் போலீசார் ஈடுபட்டிருந்தனர்.
வழக்கம்போல் இன்று உள்ளி கூட்ரோடு மற்றும் சித்தூர் கேட் பகுதியில் வாகன தணிகையில் ஈடுபட்டபோது அவ்வழியாக இருசக்கர வாகனத்தில் வந்த நான்கு பேரை சந்தேகத்தின் பேரில் மடக்கி பிடித்து விசாரணை நடத்தினர்.
அப்போது முன்னுக்கு பின் முரனாக பதில் அளித்ததால் அவர்களை காவல்நிலையம் அழைத்து விசாரணை மேற்க்கொண்டனர். இந்த விசாரணையில் அவர்கள் குடியாத்தம் மற்றும் சுற்றுவட்டார பகுதிகளில் தொடர்ந்து இருசக்கர வாகன திருட்டில் ஈடுபட்டது தெரிய வந்தது. இதனையடுத்து அவர்களிடம் இருந்து 8 இருசக்கர வாகனங்களை போலீசார் பறிமுதல் செய்தனர்.
பின்னர் இதுகுறித்து வழக்கு பதிவு செய்த குடியாத்தம் போலீசார் தினகரன் (வயது25), சந்தோஷ்குமார் (வயது28), நேதாஜி(வயது35) சந்தோஷ் (வயது23) ஆகிய 4 பேரையும் கைது செய்து விசாரணை மேற்கொண்டு வருகின்றனர்.
-பவானி கார்த்திக்
