சன் பிக்சர்ஸ்-க்கு டாடா காட்டிய AK.. புதிய தயாரிப்பாளருக்கு க்ரீன் சிக்னல்..!
அஜித்:
அல்டிமேட் ஸ்டாரான அஜித் அமராவதி திரைப்படத்தின் மூலம் தமிழ் திரையுலகிற்கு அறிமுகமானார். அதன்பின் அவர் நடிப்பில் வெளிவந்த வாலி,காதல் கோட்டை,காதல் மன்னன்,அமர்களம் ஆகியவை குறிப்பிடத்தக்க திரைப்படங்கள் ஆகும்.
தற்போது இவர் மகிழ் திருமேனி இயக்கத்தில் விடமுயற்ச்சி திரைப்படத்தில் நடித்து வருகிறார்.இதன் படப்பிடிப்பு முடிவடையாத நிலையில் ஆதிக் ரவிச்சந்திரன் இயக்கும் குட் பேட் அக்லி திரைப்படத்திலும் நடித்து வருகிறார்.
இதன் பர்ஸ்ட் லுக் போஸ்டர் வெளியாகி ரசிகர்களிடம் நல்ல வரவேற்ப்பை பெற்று வருகிறது. இந்த படம் பொங்கல் விருந்தாக வரும் என்று எதிர்பார்க்கப்பட்ட நிலையில் அஜித்தின் 64வது திரைப்படத்தை பற்றிய தகவல் கிடைத்துள்ளது.
AK64:
இயக்குநர் சிறுத்தை சிவா கங்குவா திரைப்படத்தை முடித்த பிறகு அஜித்தை வைத்து Ak64 திரைப்படத்தை இயக்க இருப்பதாக கூறப்பட்டது.
தற்போது அதற்கான பேச்சு வார்த்தையில் சிவா ஈடுப்பட்டுள்ளதாக தெரிகிறது.வீரம் , வேதாளம் , விவேகம் , விஸ்வாசம், படத்தைத் தொடர்ந்து ஆறாவது முறையாக அஜித் மற்றும் சிறுத்தை சிவா கூட்டணி இணைகிறது என்பது குறிப்பிடத்தக்கது.
மேலும் இந்த படத்தின் படப்பிடிப்பு அடுத்த வருடம் மார்ச் அல்லது மே மாதத்தில் தொடங்கும் என சொல்லப்படுகிறது.
இதனை தொடர்ந்து Ak64 திரைப்படத்தை சன் பிச்சர்ஸ் நிறுவனம் தயாரிக்க இருப்பதாக இருந்த நிலையில் தற்போது வேறொரு பெரிய நிறுவனம் இந்த படத்தை தயாரிக்க போவதாக தகவல் வெளியாகியுள்ளது.
Ak 64 தயாரிப்பாளர்???
அதாவது அஜித்தின் விஷ்வாசம் திரைப்படத்தை தயாரித்த சத்ய ஜோதி ப்லிம்ஸ் நிறுவனம் தான் அஜித்தின் 64வது திரைப்படத்தை தயாரிக்க போவதாக கூறப்படுகிறது.இது குறித்த அதிகாரபூர்வ தகவல் விரைவில் வெளியாகும் என எதிர்பார்க்கப்படுகிறது.
-பவானிகார்த்திக்
