திராணியும், தைரியமும் இருந்தால் மட்டும்.. கங்குவா படக்குழுவினரை விளாசிய சூர்யா ரசிகர்கள்..!
சிறுத்தை சிவா:
தமி்ழ் சினிமாவில் மிகச்சிறந்த கமர்ஷியல் இயக்குநாரக திகழ்பவர் சிறுத்தை சிவா. இவர் ஔிப்பாதிவாளர்,இயக்குநர் என பன்முகம் கொண்டவர்.
பல வெற்றி படங்களை இயக்கிய இவர் தற்போது சூர்யா நடிப்பில் பல கோடி மதிப்பில் உருவாகி வரும் கங்குவா திரைப்படத்தை இயக்கி வருகிறார்.
கங்குவா சூர்யா:
சூர்யாவின் 42வது படமான கங்குவா வரலாற்று கதையாம்சங்களை கொண்ட கதைகளமாக உருவாகி உள்ளது.
மேலும் இப்படத்தில் சூர்யா இரண்டு கதாபாத்திரத்தில் நடிக்கவுள்ளார். சமிபத்தில் இப்படத்தின் டீசர் வெளியாகி படத்தின் மீதான எதிர்பார்ப்பை அதிகரித்துள்ளது. மேலும் இப்படத்தில் வில்லனாக பாபி தியோல் நடிக்க உள்ளார்.
மேலும் தேவிஸ்ரீ பிரசாத் இசையமைக்கும் இப்படத்தின் படப்பிடிப்பு சமீபத்தில் முடிவடைந்துள்ளது. இதனை தொடர்ந்து படத்தின் ப்ரோமஷன் பணிகளும் முடிவடைந்துள்ளது.
மிக பெரிய பட் ஜெட்டில் 3டியில் உருவாகும் இந்தப் படம் தமிழ், தெலுங்கு, இந்தி உட்பட 10 மொழிகளில் வெளியாக இருக்கிறது.
இந்த நிலையில் கடந்த இரண்டு ஆண்டுகளுக்கு மேலாக இப்படத்தின் படப்பிடிப்பு பணிகள் நடைப்பெற்று வந்த நிலையில்,கங்குவா படம் குறித்து எந்த அப்டேட்டும் படக்குழுவினரிடம் இருந்து வெளியாகாததால், கடுப்பான சூர்யாவின் ரசிகர்கள் திண்டுக்கலில் கண்டன போஸ்டர் ஒன்றை ஒட்டி உள்ளனர்
ரசிகர்களின் கண்டன போஸ்டர்:
அந்த போஸ்டரில் கங்குவா ரிலீஸ் தேதி எப்போ வரும். எங்களுக்கு அப்டேட் வேண்டும். படத்தை எடுத்து சொன்ன தேதியில் வெளியிட திராணியும், தைரியமும் இருந்தால் மட்டும் படத்தை தயாரியுங்கள்.
நீங்க உங்க தயாரிப்பு நிறுவனத்தை வச்சு என்ன வேணும்னாலும் பண்ணிக்கோங்க. எங்க அண்ணனை விட்டுருங்க என்ற வாசகம் இடம் பெற்றுள்ளது. தற்போது இந்த போஸ்டர் இணையத்தில் காட்டு தீயாய் பரவி வருகிறது.
-பவானி கார்த்திக்
