இருளில் மூழ்கிய மயிலாடுதுறை…!! அலட்சியம் காட்டும் மின்சார ஊழியர்கள்..!!
மின்சாரம் இன்றி இருண்ட கிடந்த ஊர் – மது போதையில் படுத்து உறங்கிய மின்வாரிய ஊழியர்கள்.
மயிலாடுதுறை மாவட்டம் குத்தாலம் தாலுகாவில் செயல்பட்டு வருகிறது, தமிழ்நாடு மின் உற்பத்தி மற்றும் பகிர்மான கழகத்தின் குத்தாலம் துணை மின் நிலையம். இங்கிருந்து சுற்றுவட்டார பகுதிகளுக்கு மின் விநியோகம் செய்யப்படுகிறது.
இந்த நிலையில் குத்தாலம் துணை மின் நிலையத்திலிருந்து மின் வினியோகம் பெறும் பகுதிகளுக்கு நேற்று மின்சாரம் தடைபட்டுள்ளது. நீண்ட நேரம் ஆகியும் மின்சாரம் வராத நிலையில், அப்பகுதி மக்கள் மின்வாரிய ஊழியர்களை தொலைபேசியில் தொடர்பு கொண்டுள்ளனர். ஆனால் பலமுறை கால் செய்தும் அவர்கள் பொதுமக்களின் அழைப்பை ஏற்கவில்லை. இதனை அடுத்து அப்பகுதி மக்கள் குத்தாலம் துணை மின் நிலையத்திற்கு சென்று பார்த்துள்ளனர்.
அப்போது இரண்டு ஊழியர்கள் மது அருந்திவிட்டு ஆடை நழுவியது கூட தெரியாமல் குடிபோதையில் அலுவலகத்தில் உள்ளே படுத்து உறங்கி உள்ளனர். இதனைக் கண்டு ஆத்திரம் அடைந்த பொதுமக்கள் அவர்களை தட்டி எழுப்பி மின்நிறுதம் குறித்து தெரிவித்து அதனை சரி செய்ய கூறியுள்ளனர். இந்த சூழலில் இந்த நிகழ்வை அப்பகுதி மக்கள் வீடியோவாக பதிவு செய்து சமூக வலைதளங்களில் பதிவிட்டனர் தற்போது அந்த வீடியோ சமூக வலைதளங்களில் வைரலாகி வருகிறது.
மேலும் கவனமாக கையாளக்கூடிய மின்சாரத்தை குடிபோதையில் ஊழியர்கள் கையாள்வதால் பெரும் ஆபத்து ஏற்படும் என்பதால் மின்வாரியத்துறை அதிகாரிகள் இது போன்ற நிகழ்வுகளை சரியான முறையில் கண்காணித்து நடவடிக்கை எடுக்க வேண்டும் என்று பொதுமக்கள் கோரிக்கை விடுத்துள்ளனர். சம்பவம் குறித்து மயிலாடுதுறை மின்வாரிய கோட்ட செயற்பொறியாளர்களிடம் கேட்டபோது சம்பந்தப்பட்ட ஊழியர்கள் மீது விளக்கம் கேட்டு நோட்டீஸ் அளிக்கப்பட்டுள்ளதாகவும், அவர்கள் மீது ஒழுங்கு நடவடிக்கை எடுக்கப்படும் என்றும் தெரிவித்தார்.
சிறுகதைகள் – 75 | தொடர் கதை – 2 | கிரைம்- 572 + | கவிதைகள் – 150 + | எழுத்தாளர் – 4000 + | ஆன்மிகம் தொகுப்பாளர்
நம்மை வீழ்த்தியவர்கள் முன் ஜெயிக்க வேண்டுமே.. தவிர அடுத்தவர்களை வீழ்த்தி ஜெயிக்க கூடாது..
