“மறைந்த நடிகர் மனோஜ்..” முதலமைச்சர் அஞ்சலி..!!
புரட்சி இயக்குநர் என்று பாராட்டப்பட்ட இயக்குநர் இமயம் பாரதிராஜா அவர்களின் மகனும், தாஜ்மகால், அல்லி அர்ஜுனா, சமுத்திரம் உள்ளிட்ட படங்களில் நடித்த திரைப்பட நடிகரும், தயாரிப்பாளருமான மனோஜ் பாரதிராஜா நேற்று இரவு மாரடைப்பு ஏற்பட்டு உயிர் இழந்தார்.
அவரின் மறைவிற்கு திரையுலகினர், பிரபலங்கள், ரசிகர்கள் என பலரும் இரங்கல் தெரிவித்து வருகின்றனர். அந்த வகையில், தமிழக முதலமைச்சர் மு.க.ஸ்டாலின், மற்றும் துணை முதலமைச்சர் உதயநிதி ஸ்டாலின் நேரில் சென்று அஞ்சலி செலுத்தி ஆறுதல் தெரிவித்தனர். இதுதொடர்பாக அவர் வெளியிட்டுள்ள எக்ஸ் தளபதிவில்,
தனது தந்தையின் இயக்கத்தில் தாஜ்மகால் திரைப்படம் மூலம் அறிமுகமாகி, சமுத்திரம், அல்லி அர்ஜுனா, வருஷமெல்லாம் வசந்தம் எனத் தொடர்ந்து பல திரைப்படங்களில் நடித்து தனக்கென அடையாளத்தை உருவாக்கிக் கொண்டவர் மனோஜ். இயக்கம் உள்ளிட்ட துறைகளிலும் முயன்று பார்த்தவர் மனோஜ்.
இளம் வயதில் அவர் எதிர்பாராதவிதமாக மறைந்துவிட்டது மிகுந்த அதிர்ச்சியளிக்கிறது. அன்பு மகனை இழந்து வாடும் இயக்குநர் இமயம் பாரதிராஜா அவர்களுக்கும், அவரது குடும்பத்தினருக்கும், திரைத்துறையைச் சேர்ந்த நண்பர்களுக்கும் எனது ஆழ்ந்த இரங்கலையும் ஆறுதலையும் தெரிவித்துக் கொள்கிறேன். என இவ்வாறே இரங்கல் தெரிவித்துள்ளார்.
