தலைக்கேறிய கஞ்சா போதை.. போலீசாரை தாக்கிய ஆசாமிகள்… வீடியோ வைரல்..!
கள்ளக்குறிச்சி மாவட்டம், திருக்கோவிலூர் பேருந்து நிலையம் அருகே திருக்கோவிலூர் போக்குவரத்து காவல் நிலையம் அமைந்துள்ளது. இந்த பகுதியில் போக்குவரத்து போலீசார் நேற்று வகன சோதனை மற்றும் போக்குவரத்து சரி செய்யும் பணியில் ஈடுபட்டிருந்தனர்.
அப்போது அந்த வழியாக இரு சக்கர வாகனத்தில் வந்த மூன்று பேரை மடக்கி பிடித்த போலீசார் அவர்களிடம் சோதனை மேற்கொண்டனர். சோதனையில் மூவரும் மது மற்றும் கஞ்சா போதையில் இருந்தது தெரிய வந்தது.
இதனையடுத்து அவர்களின் வாகன பதிவெண்ணை வைத்து வழக்கு பதிவு செய்ய முற்பட்டுள்ளனர். அப்போது, மூவரும் போலீசாரிடம் வாக்குவாதத்தில் ஈடுப்பட்டபோதே அங்கிருந்து வாகனத்தை அதிவேகமாக எடுத்து சென்று தப்பிக்க முயன்றுள்ளனர். பின்னர், அவர்களை துரத்திச் சென்ற போக்குவரத்து உதவி ஆய்வாளர் கார்த்திகேயன் யூனியன் ஆபீஸ் சாலையில் உள்ள இந்தியன் ஆயில் பெட்ரோல் பங்க் அருகில் பிடித்து வாகனத்தை பறிமுதல் செய்ய முயற்சி செய்துள்ளனர்.
அப்போது மூவரும் அவரை தாக்கியுள்ளனர். பின்னர் சக போலீசார் வருவதை கண்டு வினோத் என்பவர் அங்கிருந்து தப்பி ஓடியுள்ளார்.
பின்னர் உதவி ஆய்வாளரை தாக்கிய விக்னேஷ் மற்றும் சிபிராஜை அழைத்து வந்து திருக்கோவிலூர் போலீசார் விசாரணை மேற்கொண்டு வருகின்றனர். இது தொடர்பான வீடியோ தற்போது இணையத்தில் வெளியாகி வைரலாக பரவி வருகிறது.
-பவானி கார்த்திக்
தொடர்கதை -2 – Written – 500
“தோல்வியை கண்டு அஞ்சாதே வெற்றியை கண்டு கர்வம் கொள்ளாதே”
