பாஜக 4 மாநிலங்களில் ஆட்சியமைக்க உள்ள நிலையில் பிரதமர் மோடிக்கு ஓ.பன்னீர்செல்வம் வாழ்த்து தெரிவித்துள்ளார்.
உத்தரப்பிரதேசம், உத்தரகாண்ட், பஞ்சாப், கோவா மற்றும் மணிப்பூர் ஆகிய ஐந்து மாநிலங்களுக்கான தேர்தல் வாக்கு எண்ணிக்கை இன்று(மார்ச்.10) காலை 8 மணிக்குத் தொடங்கி நடைபெற்று வந்த நிலையில், தற்போது முடிவுகள் அறிவிக்கப்பட்டு வருகின்றன.
அதன்படி, உ.பி, கோவா, மணிப்பூர், உத்தரகாண்ட் மாநிலங்களில் பாஜக முன்னிலையில் உள்ளது. பஞ்சாபில் ஆம் ஆத்மி முன்னிலையில் உள்ளது.
இந்நிலையில், பாஜக 4 மாநிலங்களில் ஆட்சியமைக்க உள்ள நிலையில் பிரதமர் மோடிக்கு ஓ.பன்னீர்செல்வம் வாழ்த்து தெரிவித்துள்ளார்.
இது குறித்து அவர் வெளியிட்டுள்ள செய்தி குறிப்பில், ‘அன்புள்ள பிரதமருக்கு, உத்தர பிரதேசம், உத்தரகாண்ட், மணிப்பூர் மற்றும் கோவா ஆகிய மாநிலங்களில் சமீபத்தில் நடைபெற்ற பொது தேர்தல்களில் மகத்தான வெற்றி பெற்று மக்களின் இதயங்களையும் வென்ற உங்களுக்கு வாழ்த்துக்கள்.
இது ஆற்றல் மிக்க உங்கள் தலைமையின் கீழ் பாஜகவின் நல்லாட்சி மற்றும் நலத்திட்டங்களுக்கு கிடைத்த தீர்ப்பு . இது வளர்ச்சிக்கான ஆணையாகும். உங்கள் முயற்சிகள் அனைத்தும் வெற்றியடைய வாழ்த்துகிறேன்’ என தெரிவித்துள்ளார்.
