நடிகர் வெங்கல்ராவுக்கு உதவிய நடிகர்கள்..!
தமிழ் சினிமாவில் ஸ்டண்ட் கலைஞராக தனது பயணத்தை தொடங்கியவர் வெங்கல் ராவ் அதன்பிறகு, காமெடியில் கவனம் செலுத்த தொடங்கினார்.
வைகை புயல் வடிவேலுவுடன் இணைந்து கந்தசாமி போன்ற 30க்கும் மேற்ப்பட்ட படங்களில் நகைச்சுவை நடிகராக நடித்துள்ளார். இவர் பெயர் பலருக்கும் பரிட்சயமாக இல்லாமல் இருக்கலாம். ஆனால் இவர் நடித்த காமெடி காட்சிகளை சொன்னால் உடனே தெரிந்துவிடும்.
குறிப்பாக கந்தசாமி படத்தில் வடிவேலு உடன் தேங்காய் பேரம் பேசும் காட்சி தொடங்கி சீனா தானா 007 படத்தில் தலையில் இருந்து கையை எடுத்தால் கடித்துவிடுவேன் என மிரட்டும் கதாபாத்திரம் வரை இவரும் வடிவேலுவும் சேர்ந்து நடித்து ஹிட்டான காமெடி காட்சிகள் ஏராளம்.
பின்னர் வடிவேலு சினிமாவை விட்டு விலகிய பின் இவரும் விலகினார். தற்போது விஜயவாடாவில் வசித்து வரும் இவர் சில தினங்களுக்கு முன்பு வெளியிட்ட வீடியோவில் தனது ஒரு கை, கால் செயிழந்து போயுள்ளது என்றும், தனக்கு சினிமா நடிகர்கள் உதவி செய்யுங்கள் என்றும், கோரிக்கை விடுத்தார்.
இந்த வீடியோ நெட்டிசன்கள் மத்தியில் பெரும் அதிர்வலையை ஏற்படுத்தியது. பின்னர் இந்த வீடியோவை பார்த்த சிம்பு முதல் ஆளாக முன் வந்து 2 லட்சம் நிதி உதவி செய்துள்ளார்.
அதனை தொடர்ந்து சின்னத்திரை நடிகர் kpy பாலா 1லட்சம் நிதி உதவியும் நடிகை ஐஸ்வர்யா ராஜேஷ் 25 ஆயிர ரூபாயும் உதவி செய்துள்ளார். இருப்பினும் இந்த வீடியோவை பார்த்து வந்த நெட்டிசன்கள் கமென்ஸ்களில் வடிவேலு அவருக்கு உதவ வேண்டும் என தொடர்ந்து கோரிக்கை விடுத்து வந்தனர்.
ஆனால் இதற்கெல்லாம் வடிவேலுவிடம் இருந்து எந்த ஒரு அறிவிப்பும் வெளிவராமல் இருந்ததால் விமர்சனத்திற்கு ஆளானர்.
இந்த நிலையில் இவற்றுக்கெல்லாம் முற்றுப்புள்ளி வைக்கும் விதமாக நடிகர் வடிவேலு ஒரு லட்சம் ரூபாயை வெங்கல் ராவுக்கு வழங்கியுள்ளார். மேலும் வெங்கல் ராவை போனில் தொடர்பு கொண்டு பேசிய வடிவேலு அவருக்கு நம்பிக்கை அளிக்கும் விதமாக பேசியதாக கூறப்படுகிறது.
-பவானி கார்த்திக்
