உங்கள் ஊர் செய்திகள்..!! உங்கள் பார்வைக்காக..!! களத்தில் மதிமுகம்..!!
ஸ்ரீ சீதா லக்ஷ்மண கோவில் கும்பாபிஷேகம்
திருவண்ணாமலை மாவட்டம் சேத்துப்பட்டு அடுத்த புதியதாக கட்டப்பட்ட ஸ்ரீ ராமபக்த அனுமன் மற்றும் ஸ்ரீ சீதா லக்ஷ்மண கோதண்டராமசாமி திருக்கோயில் கும்பாபிஷேகம் மிக விமர்சையாக நடைபெற்றது. இதில் சுற்றுவட்டார பகுதிகளில் உள்ள 20க்கும் மேற்பட்ட கிராமங்களில் இருந்து ஆயிரக்கணக்கானபக்தர்கள் கலந்து கொண்டு சாமி தரிசனம் செய்தனர்.
பிளாஸ்டிக் ஒழிப்பு விழிப்புணர்வு பேரணி :
ராணிப்பேட்டை மாவட்டம் சோளிங்கர் நகராட்சியில் காந்தி ஜெயந்தி முன்னிட்டு தூய்மை பணி மரக்கன்று நடுதல், பிளாஸ்டிக் ஒழிப்பு விழிப்புணர்வு பேரணி நிகழ்ச்சி நகராட்சி ஆணையர் கன்னியப்பன் தலைமையில் நடைபெற்றது. இதில் கலந்து கொண்ட நகராட்சித் தலைவர் தமிழ் செல்வி அசோகன் வீடு மற்றும் நகராட்சி பகுதிகளையும் தூய்மையாக வைத்திருக்க அனைவரும் ஒத்துழைப்பு தர வேண்டும் எனறார்
கருப்பண்ணசுவாமி கோவில் கும்பாபிஷேகம் :
மயிலாடுதுறை கூறைநாடு பகுதியில் பிரசித்தி பெற்ற ஸ்ரீ கருப்பண்ணசுவாமி கோயில் கும்பாபிஷேகம் வெகுவிமரிசையாக நடைபெற்றது. சிவாச்சாரியார்கள் வேத மந்திரங்கள் ஓத கோபுரகலசத்திற்கு புனித நீர் ஊற்றப்பட்டு மகா கும்பாபிஷேகம் நடைபெற்றது. இதில் ஏராளமான பக்தர்கள் கலந்து கொண்டு தரிசனம் செய்தனர்.
மனித நேய மக்கள் கட்சி ஆர்பாட்டம் :
வேலூர் மாவட்டம்,பள்ளிகொண்டா சென்னை பெங்களூர் தேசிய நெடுஞ்சாலையில் அமைந்துள்ள சுங்கச்சாவடியினை மனித நேய மக்கள் கட்சியினர் முற்றுகையிட்டு தமிழ்நாடு முஸ்லிம் முன்னேற்ற கழக மாநில செயலாளர் ஏஜாஸ் அகமது தலைமையில் போரட்டத்தில் ஈடுபட்டனர். இதில் ஆயிரத்திற்கும் மேற்பட்ட மனித நேய மக்கள் கட்சியினர் பங்கேற்று சுங்கசாவடிகளின் எண்ணிகையை 70 ஆக உயர்த்தியதை கண்டித்தும், சுங்கக்கட்டணம் 7 விழுக்காடு உயர்த்தியதை கண்டித்தும், காலாவதியான சுங்கசாவடிகளை மூட கோரி கோஷங்களை எழுப்பி போரட்டத்தில் ஈடுபட்டனர்
