ரிலீஸ்-க்கு தயாரான விடுதலை 2….கசிந்தது ரிலீஸ் தேதி….!
விடுதலை:
வெற்றி மாறன் இயக்கத்தில் சூரி நடிப்பில் , கடந்த 2023ஆம் ஆண்டு வெளியான திரைப்படம் படம் விடுதலை.
இந்த திரைப்படத்தில் சூரியுடன் இணைந்து விஜய் சேதுபதி, பவானி ஸ்ரீ, கௌதம் வாசுதேவ் மேனன் ஆகியோர் நடித்தனர். இப்படம் தமிழ் சினிமா ரசிகர்களிடம் நல்ல வரவேற்ப்பை பெற்றது.
இப்படத்தில் நகைச்சுவை நடிகர் சூரியை வைத்து எந்த மாதிரியான படத்தை வெற்றிமாறன் இயக்கப்போகிறார் என்ற ஆர்வமே படத்தின் மீதான எதிர்பார்ப்பை ஏற்படுத்தியது.
இதுபோன்ற கேள்விகள் அனைத்திற்கும், அந்தப் படம் விடையளித்து அனைவருக்கும் பெரும் திருப்தியை வழங்கியது. இப்படத்தில் சூரியின எதார்தமான நடிப்போடு இளையராஜாவின் இசை ரசிகர்களை கவர்ந்தது.
இவர் இசையில் பாடல்களும் இப்படத்தில் ஹிட் அடித்ததால் படம் வசூல் வேட்டையாடியது. இந்த நிலையில் இதன் இரண்டாம் பகத்திற்கு ரசிகர்களின் எதிர்பார்ப்பு பல மடங்கு உயர்ந்தது.
விடுதலை 2:
இந்த நிலையில் இரண்டாம் பாகம் விரைவில் வெளிவரும் என எதிர்பார்க்கப்பட்ட நிலையில், படப்பிடிப்பு தொடர்ந்து நடந்து வந்ததால் ரிலீஸ் தேதி தள்ளிக்கொண்டே போனது.
தற்போது இந்த படப்பிடிப்பு பணிகள் முடிவடைந்த நிலையில் படத்தின் ரிலீஸ்கான தேதி குறித்து தகவல் கிடைத்துள்ளது.
ரிலீஸ் தேதி:
அதன்படி இப்படம் வரும் “தீபாவளிக்கு வெளிவரும் என கூறுகின்றனர்.இந்த தகவல் இணையத்தில் வைரலாக பரவி வரும் நிலையில் இது குறித்த அதிகார்வபூர்வ அறிவிப்பை படக்குழுவினர் வெளியிடவில்லை என்பது ரசிகர்களுக்கு சோகத்தை ஏற்படுத்தி உள்ளது.
மேலும் இந்த வருட தீபாவளிக்கு அஜித் குமாரின் விடாமுயற்சி படமும் சூர்யாவின் கங்குவா படமும் வெளியாகவுள்ளதால், தற்போது சூரியின் விடுதலை 2 பாகமும் மோதவுள்ளது என்ற தகவல் கோலிவுட் வட்டாரத்தில் பலரையும் ஆச்சரியத்தில் ஆழ்த்தியுள்ளது.
-பவானி கார்த்திக்
