அறிஞர் அண்ணா பிறந்தநாள் கொண்டாட்டம்..!! திறக்கப்பட்ட லட்சினை..!! முதலமைச்சர் ஸ்டாலின் போட்ட உத்தரவு..!!
அறிஞர் அண்ணா அவர்களின் பிறந்தநாளை முன்னிட்டு அண்ணா அறிவாலயத்தில் இன்று திமுகவின் பவள விழாவுக்கான லட்சினையை முதலமைச்சர் ஸ்டாலின் திறந்து வைத்தார்..
தமிழகம் முழுவதும் இன்று பேரறிஞர் அண்ணாவின் 116-வது பிறந்தநாள் கொண்டாடப்பட்டு வருகிறது. திமுகவின் சார்பில் ஒவ்வொரு மாவட்டத்திலும் உள்ள அண்ணாசிலைக்கு மாலை அணிவித்து மரியாதை செலுத்தி வருகின்றனர். அந்த வகையில்
சென்னை அண்ணா சாலையில் உள்ள அண்ணாவின் திருவுருவச் சிலைக்கு முதலமைச்சர் ஸ்டாலின் மலர் தூவி மரியாதை செலுத்தினார். அதனைதொடர்ந்து சென்னை தேனாம்பேட்டை அண்ணா அறிவாலயத்தில் உள்ள அண்ணாவின் திருவுருவ சிலைக்கு மலர் தூவி மரியாதை செலுத்தினார். முதலமைச்சர் ஸ்டாலின் அவர்களை தொடர்ந்து., நாடாளுமன்ற எம்.பி.கனிமொழி., அமைச்சர்கள் உதயநிதி ஸ்டாலின், கே.என்.நேரு, துரைமுருகன், ஐ.பெரியசாமி, பொன்முடி, எம்.ஆர்.கே.பன்னீர்செல்வம், சேகர்பாபு உள்ளிட்ட அனைத்து அமைச்சர்களும் மலர்தூவி மரியாதை செலுத்தினர்.
முப்பெரும் விழா :
அதனை தொடர்ந்து அண்ணாவின் பிறந்தநாளும்., செப்டம்பர் 17ம் தேதி தந்தை பெரியார் பிறந்தநாளையும்., மற்றும் செப்டம்பர் 17ம் தேதி திராவிட முன்னேற்றக் கழகம் தொடங்கிய நாளை கொண்டாடும் விதமாக இன்று முப்பெரும் விழா கொண்டாடப்பட்டு வருகிறது.. திமுக கட்சி தொடங்கி 75வது ஆண்டுகள் ஆகிறது என்பது குறிப்பிடத்தக்கது..
இந்த முப்பெரும் விழாவை கொண்டாடும் விதமாக வருகின்ற செப்டம்பர் 17ம் தேதி சென்னை, நந்தனம் ஒய்.எம்.சி.ஏ மைதானத்தில் திமுக முப்பெரும் விழா நடைபெறவுள்ளது. அதே சமயம் இந்த ஆண்டு கழகத்தின் பவள விழா ஆண்டாக இருப்பதால் திமுகவின் சடமன்ற உறுப்பினர்கள் மற்றும் கட்சி நிர்வாகிகள், தொண்டர்கள் மற்றும் உறுப்பினர்கள் என அனைவரது வீடுகளிலும் கட்சி கொடியை ஏற்றி வைத்து கொண்டாடும்படி முதலமைச்சர் ஸ்டாலின் உத்தரவிட்டுள்ளார்.
இந்த பவள விழா கொண்டட்டதிற்கான லட்சினையை அண்ணா அறிவாலயத்தில் இன்று முதலமைச்சர் ஸ்டாலின் திறந்து வைத்தார். அண்ணா அறிவாலயத்தின் முகப்பில் இந்த லட்சினை அமைக்கப்பட்டுள்ளது என்பது குறிப்பிடத்தக்கது..
